♥ Ka．Mi ‧去到韓國一定飲番杯 ♥

係韓國人不論男女都好鍾意一邊同朋友傾計食飯一邊飲番杯，
大Ka同Mia次次去韓國都會入鄉隨俗甘飲番杯，
特別特別係食烤肉既時候，
唔飲番杯啤杯真係對唔住自己，
所以呢一篇係介紹下大Ka同Mia甘多次黎飲過既酒，
P.S.以下全為個人意見


登登登......呢支就係大Ka同Mia既最愛CASS，甘鍾意飲佢係因為佢唔苦，
而且好多韓國女仔都好鍾意飲佢，
一邊烤肉一邊飲CASS，好幸福!



CASS都出過好多唔同既味，
呢個檸檬味，真係一DD檸檬味都無，
反而仲比普通既苦少少，


呢支係CASS既LIGHT版，
不過好淡好似水甘，
飲過一次就無再飲了!



呢支就係HITE-DRY FINISH，
大Ka同Mia就頂唔住，
佢真係好苦，仲苦過嘉仕伯，
都係一次就夠了!!



韓國人既國酒---真露，
就係成日睇韓劇D人飲果支邊明酒，
幾年前第一次飲佢既時候，
Mia以為飲左消毒蘗水落肚甘，
點解可以'拿'喉嚨，一直都唔敢再試第二次了，
但睇過好多其他BLOG友介紹一些令真露易入口既方法，
大Ka同Mia就再接再厲試多次，

1)加茶---失敗
大Ka同Mia試過加栗米茶，
唉...0徒氣，味道係講唔出既奇怪!

 

2)韓國7-UP---都係失敗

加左汽水之後都叫好飲左少少，
不過始終都唔係大Ka同Mia杯酒，
等再有其他方法之後再挑戰過吧!

終於到大Ka同Mia既新寵--瑪格利酒--即韓國米酒(長壽酒)
大部份韓國餐廳都有供應，
味係甜甜地，酒味唔濃，甜精含量又唔高，
不過唔知係唔係因為由米釀酒，
所以飲飲下係會覺得飽。
大家可以試下~

樂--呢個牌子既米酒真係好易入口，
甜甜地又幾滑，甜精含量又唔高，
比常見既長壽酒更好飲，仲有其他味道的，不過呢隻就唔覺有蘋果味!!

 

仲有其他酒介紹下，
其實大Ka同Mia都唔知佢係咩酒，
不過個樣都幾靚就買黎試下，
呢一支都係甜甜地好易入口，
但無米酒甘滑，

 

呢支好明顯就係梅酒，
大Ka同Mia都係以一試既心態去買黎試，
呢支梅酒反而無甘甜，
不過有少少梅既味道，都唔錯嫁!



大Ka同Mia好多時都會買街邊炒年糕回酒店做宵夜，
呢個時間最好就係飲番杯，
辣辣地既年糕同甜甜地既酒真係好夾!
下次再分享下其他韓國得意野，
請繼續支持大Ka同Mia!!byebyebye~~