♥ 2012日本韓國雙城記 ♥ 大阪京都奈良篇 ♥ 肆 ♥

今日係1/1/2013 --- happy new year!
呢篇係2013年大Ka同Mia blog既第一篇，
今日又성민오빠 생일，생일 축하 해요!사랑해요!!



今日大Ka同Mia又去左京都了，
又係為左睇楓葉，
不過日間是要去更遠的地方---高雄TAKAO
去高雄就會係呢個車站上車，
呢個站好易見到，一行出京站就會見到JR3呢個車站，
其實因為出發時好趕住上車所以唔得閒個車站，
所以回程時才影番個車站，
所以天都已經黑晒了!



係賞楓季節有個COUNTER賣飛，
800yen任坐，由京都車站到高雄山來回一次，
如何係山上幾間寺既站就任坐，
不過記得要袋好呢張飛，
因為回程時車長係會收番，
如果無得比佢就又要另比車費了!


大Ka同Mia今日既目的地就只有一個---高雄山神護寺，
經過一個小時左右既車程，
會睇到周圍既風景越來越鄉間，
就知道就到目的地高雄山，
其實車上都無好清楚講明咩站，
只係黎呢個站就好多人落車，
大Ka同Mia就行出去問車長係唔係呢個站落車，
日本既車長都好友善，見到佢點頭後，大Ka同Mia就係呢個站落車，

幾清楚大大隻字寫住高雄神護寺，
一定唔會行錯，只係怕你無力行上神護寺，

行去神護寺既路都幾奇怪，
先落斜再落斜跟住上斜再上斜x N次，
行上神護寺既路真係甘多日以來最辛苦的，
以前既人到寺廟參拜真係好誠心，
去到呢個呢都只係行左1/3路程，

左面可以行去西明寺同高山寺，
再繼續行就係東海自然步道，
可以行到去嵐山，
好似要行兩至三個小時，
大Ka同Mia梗係行唔到了，

川邊既食店就開左d位比客人係川邊用餐，
都幾有風味呀!!不過應該幾凍!

上山途中會見到賣紅葉天婦羅既小店，
真係炸左塊葉黎食，
成本真係好低，好似賣成500YEN一包，好好賺呀!

大Ka同Mia終於要上坡了，
唔記得上左一個定兩個髮夾彎斜路就會見到高雄茶屋，
好多人都係呢個轉彎位休息，
有D人就會係高雄茶屋食埋野，
不過大Ka同Mia都係係門口抖抖氣就繼續向上行，

大Ka同Mia到左第一站硯石亭，
呢度既地勢比高雄茶屋高少少，更容易睇晒全景，

大Ka同Mia既午餐，
係甘靚既環境下食午餐都食得開心D，



溫馨提示:
不過真係唔好食天婦羅，
影得相黎隻天婦羅蝦已經變左形了，

大Ka同Mia食飽後又繼續向山上進發，
終於都到神護寺既門口，
但都係要行好多級樓梯先上到去，
真係要堅持!!

原來大Ka同Mia都係要繼續努力，
寺係沿山而建，又要上上落落甘行，

大Ka同Mia都行到唔知自己行左去邊，
亂行既情況之下竟然行到去神護寺既目的地---錦雲溪，
大家都係黎呢到都係為左"掉"除厄運，
 

 

首先要係呢個小檔口買番個厄除碟仔，
 

跟住就用心掉向山谷，
非常象徵式地"掉"除厄運，
原本大Ka同Mia有拍片想比大家睇，
但因唔識得剪片所以都係算吧!

大Ka同Mia"掉"晒厄運後，
又見到甘靚既紅葉了!

回程落山既時候又要行多次頭先上山既路，

上山前既川邊食店都關左門了!

呢一日行程未完嫁，請留意下一篇，
p.s. 高雄係山區即使果日甘好太陽其實都係好凍，
如果要去真係要著多件衫，
日本同韓國遊記會陸續登出，
請繼續支持大Ka同Mia!!byebyebye~~