【2012日本韓國雙城記。首爾自由行篇『3』】

HI~大家好呀~
就黎聖誕節啦~Merry X'Mas!!!!預祝大家聖誕快樂~
大KA我好想去韓國過一個白色聖誕呀~~唔知幾時先可以去到~?
講返今次旅程先~
一早就飲香蕉奶同食CUP CAKE做早餐~..好幸福的感覺!!
個CAKE個樣幾靚..而且佢都唔係得個樣..都幾好食~係個朱古力甜D姐~

食完個早餐就出發去北屋韓屋村啦~
大Ka相信好多人都應該有去過呢個地方..因為佢係一個好出名架旅遊地點..
但係..大Ka同Mia就次次都係附近經過就冇正式去過..
所以今次真係"的"係心肝一定要去啦~
但我地都係知道大約位置，所以都要係附近搵下先~

嘩~今日天氣真係十級好天..可以話係咁多日以來數一數二架好天啦..
雖然係咁好天，但係果日架氣溫都係只得3度....暫時係最凍既一日..去到附近見到有條路好似就行上去睇下啦..

行左一輪就發現呢到唔係北屋韓屋村..但唔緊要呀，再搵...

好靚架紅葉藤
因為我地係冇旅遊書、又冇地圖，所以想問人都有D難度
咁岩俾我地係街邊見到有呢張明信片，二話不說咁影低佢

我地就係靠呢張相去問路架啦~
真係好好彩..有個好好架아저씨(大叔)教我地點行，最終我地都到啦~哈哈!!!

呢個咪係明信片果個位置~影返張相先~

係呢度都可以遠眺首爾塔架~
雖然呢度係民居，但都有D韓屋係開放左出黎比人參觀，
而且有D直程係做展覽館咁比人參觀..
但我地2個就冇入去啦~因為個入場費一D都唔平

行到黃昏就落返去仁寺洞啦(北屋韓屋村係好近仁寺洞的)

冷清清的仁寺洞..好少會係冇人架
可能真係太凍啦~
我地係仁寺洞行左一陣就去左鐘閣站地下街行街~
係地下街行完一輪就出發去食晚餐
黎到鍾閣我地一定係去指定地點食烤肉啦~

就係呢間店啦~雖然佢係連鎖店，但唔知點解只係得鐘閣站先有牛肉
其他分店係冇架~

好好味架牛肉~~真係忍唔住要講一句"너무  맛있어요"!!!!!

仲叫左豬皮同豬肉~

原來豬皮咁樣擲住就唔會彈架啦~立即安全晒!!

食烤肉又點少得支啤酒呀~用黎解熱呀嘛~!^^

食完晚餐係鍾閣行左一陣就返去新村啦~
返到去時間尚早就去行下，順便做咩今次旅程要做架野--配眼鏡!!
唔知點解係香港眼鏡鋪成日都搵唔岩心水眼鏡款，但韓國就成日都見到D好鍾意既款，所以我決定係韓國配返一副
係韓國配眼鏡真係好方便，只要30分鐘就有幾拎(唔知係唔係間間眼鏡店都係，但我呢間就係)
不過大Ka呢日係人地關門前10分鐘先去到，所以就冇得即日拎，要第2朝先有得拎
配完眼鏡就去左食COLD STONE雪糕做宵夜~驚死唔肥咁..
但去旅行就係要食食食同買買買架啦~




真係超級好食~香港幾時先有COLD STONE呀~!!!
食完就返去酒店休息啦~

因為今日韓國比前幾日凍左啦~所以忍唔住買左呢3寶~
好彩有買佢地..如果唔係之後2日都唔知點算

待續