Ka_Mia: 【韓國自由行2011‧重拾青春的瘋狂。3】

HI~大家好呀~咁耐冇Update啦真係唔好意思^^

今日係旅程架最後一日呢...好唔捨得呀..
一早起身執好行李就出發去今日架景點啦
因為上一次去昌德宮時，Mia覺得唔夠靚，所以今個旅程要再去過
去到昌德宮又差唔多12點..
今次我地係跟個日本團入去…我地真係次次都岩唔到中文…
入到去好明顯今日黎係比上次黎係靚左，
而且有d地方要裝修，條路線又有變，所以都覺得幾新鮮
但亦因為佢改左路線架關係，時間方面就有d預計錯誤了...

行晒成條路線都已經過左2個幾鐘..
2點幾..距離去機場仲有2個幾鐘..
我地都係搭番去新村先..安全D呀嘛..費事一陣行過時要趕住返去..
係去食飯前經過D店舖又忍唔住入去行..行下行下..都差唔多成4點先食野..
唔知大家仲記唔記得我之前提過一間部隊鍋店..
人地出名濕部隊鍋，但我地就叫左個乾架..
所以今次突登黎食過..

間店個名
今次係叫左個SET..有3樣野食，薯蓉香腸+部隊鍋..仲有一樣野我唔記得係咩了
因為時間太趕..得返一個鐘左右架時間食野..所以都係影左少少相..

個香腸好味道~!

呢個就係出名架部隊鍋..果然係好食呀~
呢餐我地真係食得超級快..用左半個鐘就食晒所有野就啦啦臨返酒店擺好岩岩買架戰利品
跟住極速咁去車站等機場巴士了...
去到機場攪好晒野..就要入閘啦..(因為我地網上CHECK-IN，所以唔使2個小時前到機場)
今次連稅都退唔到(好彩係幾十蚊)..只可以買杯咖啡，坐一坐就要上機了.. BYE SEOUL!!