♥ 2012日本韓國雙城記 ♥ 大阪京都奈良篇 ♥ 貳 ♥

 

終於到左大阪關西機場了，
其實出發之前為左係日本坐咩交通工具頭痛左好耐，
大阪交通網絡真係好複雜，
有好多唔同既pass，當中有好多限制，真係好頭痛，
即使唔係十分抵既情況之下，大Ka同Mia都選擇左用pass搭車，
唔使次次浪費時間買飛同袋住銀仔周圍走，

大阪出張XXpass都幾抵既，1500yen就可以會快靚車(原本已經要1380yen出大阪)，
仲送埋地鐵一日乘車券，普通南海電鐵都要890yen，甘都係比多610yen就可以任坐地鐵，
大阪地鐵好貴呀!程程都要成220yen，只要坐夠三程地鐵就已經回晒本，
大Ka同Mia係日本車費超過11,000yen，真係好貴呀!

呢張pass一定要係人工櫃位買嫁，Mia鑒於以前去韓國既經驗，
估計係大阪應該都係唔多溝通到，所有要買既pass都印晒果樣出黎彧放晒入電話，
一於比佢看圖好過，不過一定要提既係日本人既服務態度點解可以甘好，
超長龍既情況下，都要怕大Ka同Mia唔識用張pass，語言又唔通，
但又係都要大Ka同Mia講解一下!後面排隊既人真係唔知會唔會等到變晒化石!

跟住係對入閘，車既坐位係對號坐位，唔怕無位坐，
不得不提既係閘當值既地鐵人員(但佢只係唯一一個害群之馬)，
當佢知道大Ka同Mia唔識講日文後就完全唔想理大Ka同Mia，
超無禮貌，指來指去老點大Ka同Mia行來行去，
遊客唔識入閘係大Ka同Mia既錯咩?
之後睇下其他人就知道原來係用手上既磁飛入閘，

好型仔既鐵甲人車，車廂內既坐位都幾舒服既，
有個位可以放好行李，比多少少錢真係值得嫁!
因為住南森野所以要係天下茶屋站轉車，

地鐵一日券就發揮作用了，
因為轉車呢一程原本又要220yen，
有張pass就free左(其實想想下其實係一早比左錢就真)。

一睇就知道呢度係咩地方，
固力果跑步男既廣告 --- 大阪心齋橋筋
真係好多遊客同好多舖頭，
但好大部份都係買唔落手(大Ka同Mia都只係Window Shopping)，
真係好貴好貴!留番彈藥去韓國買仲好!

係心齋橋筋行下東行下西，結果行到又累又餓，
又唔知自己行左去邊，無意中行到去本本旅遊書都有介紹既自由軒，
既然係又累又餓情況下遇到甘即係天意，甘就決定入去試一試咩味!
自由軒係出名食咖哩飯，
老闆娘就係自由軒既生招牌，紙板人好爆wor!成間店既牆都係老闆娘既相，裝修都好舊式，
仲有係好細，d位迫到件褸同個袋都無位放要全程拎住食!

Mia點了招牌咖哩飯，
大Ka點了蛋包飯，
牆上面貼滿晒，點樣加醬汁撈個飯食，

落單既時候店員再三向大Ka同Mia表明咖哩飯係辣，
甘大Ka同Mia都有心理準備，到底有幾辣，
結果當然係失望而回，得少少甘辣，
食評:
咖哩飯--其實得好少好少辣，成碟飯都沾滿咖哩汁，
加埋D醬後酸酸地，唔可以話唔好食，但真係唔食又唔可惜!
關西風味咖哩原來係甘!
蛋包飯--無特別






真係要介紹一下今次大Ka同Mia住既第一間酒店，
就係係南森町站既Toko City Hotel Umeda酒店，
其實因為係旺季，好多大Ka同Mia負擔得起既酒店都FULL晒了，
真係淨番間，甘就選呢間了~
原本對酒店係無期望，住過之後又覺得唔錯，
原因係由入住開始......

去到酒店剛剛好可以入房check in，(實在太好了!)
因為坐完零晨機真係得番半條人命，
可以入房執一執野同埋執番個人先再出發!!太好了!
(以前住過東橫INN一定要4點後先可以入房)


一開門真係要講一句:嘩好細呀!
不過日本酒店就係出名細，真係聞名不如見面，
細都幾好呀!拎咩野都唔洗落床拎，伸手就有，
但打開左0急後條走廊真係好迫!

個電視就細過屋企個MON!

 

廁所咩都好齊!

對拖鞋係重用再重用，
所以既環保又清潔既日本人就整左腳板貼貼係鞋上用，



最好最好既係有免費洗衣乾衣機用，
仲供應埋洗衣粉，
因為第一日大阪落大雨，衫同褲都濕晒，
大Ka同Mia就用佢地幫手，
太好了!第2-7日都有乾淨衫著!!

日本同韓國遊記會陸續登出，
請繼續支持大Ka同Mia!!byebyebye~~