Ka_Mia: 【2012日本韓國雙城記。首爾自由行篇『1』】

HI~大家好呀~
今次大旅行我大ka係負責首爾呢PART(無錯大家又要繼續跟我遊首爾啦~)
所以我會由大阪出發去首爾的日子開始寫起的
話說我地係早上11點幾機由大阪飛首爾，好彩Mia早一晚上網check-in，所以我地就唔使咁早係民宿出發
雖然係可以晏D,但都係8點幾就去搭車，我地要搭返去難波站再搭去機場..
今次係我地第一次係日本買地下鐵飛呀，所以都有D唔太識買..
但好左佢都算易用..

去到難波已經 9:10了..去月台等車..點知黎左架普通..姐係要坐好耐啦..都有D擔心時間..
但我地都照上，睇下有冇機會換到架急行..
坐到唔知咩站架時候，有個日本伯伯超好人咁話俾我地聽對面月台會有架急行去機場..
咁我地立即換車..個伯伯仲好好咁睇住我地上車佢先走..
終於到機場啦..好老土咁係閘口影張相..

入到去又去行下D店舖仔..日本包裝真係超級靚..
見到樣樣野都好想買..最終都敗多左盒...=_=
日本機場幾好..有一個上網區俾大家用..
可能我地果日時間尚早..所以就冇咩人用..

上機啦..今次架機俾飛去日本果架大..而且又唔多人..真係好舒服呢..
不過好奇怪的是成架機差不多都係韓國人..
起飛啦~bye大阪..首爾i'm coming!!

不得不讚..KE真係好UPDATE呀~SJ最新隻碟都有啦~

邊聽歌邊食日本小食，日本零食真係好味~

飛到咁上下，又係飛機餐時間..唔知KE個飛機早餐會係D咩架啦..

好普通的三文治早餐，都幾好食..麵包都唔太乾
食完個早餐，望一望出去，見到陸地了..差不多到啦

大阪飛首爾真係快呢~個幾鐘就到..

到韓國啦~~第一次咁快過關..因為呢個時間冇咩旅客..So gd!!

拎完行李出發!
其實係日本都唔算買太多野姐..點解個喼會咁重...咁韓國點算....

第1次2點幾到首爾，估唔到個地鐵站因為有D陽光射落黎，會變得咁靚!
經過一輪地鐵轉地鐵，終於到達酒店!
可以上房了，放低d野收拾一下自己就出發去明洞唱錢!
個對換率真係好差..1:139(呢個係成個明洞最好個間先有..)
太肚餓了買左串雞肉黎食
SDC11230

嗯...個汁太"杰"了..個味道就一般啦
之後係明洞行下街..
見到新架品牌.."A'PIEU"就入去行下..
點知...就係度放低左一筆...

A"PIEU是Beast 代言的 ,但佢個Mask就一般..個蝸牛Cream同burt's bee就幾好用..
跟住又去左NB度買左對波鞋....
行到肚餓先捨得停..
今次去左食安東雞..但我地就覺得一般啦..
唔知係咪因為我地叫左無骨雞呢..D肉有D"鞋"..而且都唔算辣..另外我地仲叫左生牛肉..但都係一般..
嗯..呢間試過一次就算了..下次我都係會食返鳳..雖然辣但真係好好食