♥ 2012日本韓國雙城記 ♥ 大阪京都奈良篇 ♥ 叁 ♥

世界末日後既第一篇，
Mia同大家一樣都係返工放工食飯訓覺甘過左2012/12/21，

講番旅行野先，大Ka同Mia第二日既行程就係去左見斑比，
原本果日係打算係去京都，但睇到天氣報告話京都落雨，
所以就轉左去奈良見斑比先!

 
 

大Ka同Mia就係坐近鐵由南森野出發去奈良，
期間要轉兩次車，第一次係谷野四丁目，
第二次係生駒站轉車到奈良近鐵站。




去到近鐵奈良站就會見到大大個指示牌寫明去東大寺/春日大社等等，
上左去就會見到呢位吉祥物--有鹿角既光頭仔，
其實佢係唔係神仙黎嫁?奈良其實好細，全部景點都係行路可以行過去，

 

一出左奈良近鐵站就會有個噴水池仲會見到僧人係度化緣，
沿路都有指示路牌，過埋條行人隧道就到第一個景點了!

第一站--興福寺+五重塔但係大Ka同Mia都無比錢入去睇，
係外面影左幾張相就算(因為餵鹿先到係去奈良既最主要目的)，
  

終於到左奈良公園了，
係門口有好多牌寫明d鹿會做咩，
大家要注意了!
Mia對圖畫既理解係---鹿可以打人但人唔可以打鹿，

d鹿係會周圍走，
可以係小檔攤鹿餅餵d鹿，
150yen一1扎(連張紙都可以食埋)，
盡量唔好餵其他雜野食比d鹿食，

 

平時見果d年糕串都係細細粒，
呢個小檔賣既係超大粒，
小檔口由一對上左年紀既夫婦經營，
太太燒年糕個樣幾幸福!!



果日天氣真係好好!藍天白雲~
大Ka一餵鹿就會有一群鹿埋身搶住食，
仲有一隻鹿好鬼聰明係甘(new)大Ka個袋，
佢知道個袋有鹿餅，
但點解Mia最多都係兩隻鹿行埋黎!

 

d鹿真係好鬼死聰明，
識得點頭扮可愛叫你比野佢食，
次次見到佢地甘可愛就係忍唔住手又係袋到拎多塊鹿餅比佢，


斑比媽媽幾有母愛，自己都無咩食野就喂小斑飲奶先，
明明肉眼睇大Ka同斑比既畫面係好有feel，
但唔知點解影左出黎就極似個獵人同獵物既關係甘~





奈良公園內既紅葉好靚呀!

 

大Ka同Mia都係無入到去東大寺，都只係係外面影幾張相算lu~

 

影左好耐先影到既合照，
中途不斷比d鹿搔擾，
成日聞大Ka同Mia有無野食，

手信店小街，一間又一間非常邪惡既手信店!
所有手信都包裝都好靚又精緻好吸引人買，
雖然好貴但點都買左少少返香港，

太陽一落左山就好凍了，
今次去日本真係失晒預算，完全估唔到天氣甘凍，
好在有帶定d厚衫去韓國時著，甘問題就唔太大了!


點都要試下奈良特產--柿葉壽司，
唔洗雪既壽司，
不過真係估唔到甘多人買，
大Ka同Mia將最後一盒6件壽司都買埋，
不過大Ka同Mia係後一日先至開黎食，

 

是日晚餐係--和幸豬扒
其實唔係特登要去食既店，
p.s.呢三位小姐都係店內有poster <-- 其實係咩人黎嫁??
只係係奈良行到又凍又餓所以是旦行入一間店食飯，
原來就係好多blog都有介紹既和幸豬扒，大Ka同Mia就叫左個二人set，兩個人加埋都係二百幾蚊港幣---唔太貴，



未食之前又有野要做就係要磨芝麻，
再加黑危或紅色醬，兩隻落晒都ok，
但卡上寫一支係甜一支係辣，
其實一d辣味都無，
個芝麻磨完之後真係好香，
 

豆腐好香黃豆味，
點解日本既麵豉湯甘好味，
豬排又鬆脆又(林)，唯一爭少少既係炸蝦既炸粉厚左少少，
仲有生菜絲係可以再添多一次，
成餐都好好味!
最後店員知道大Ka同Mia食飽要走，
就會奉上一杯好似簿荷茶既茶比你舒緩番喉嚨!

日本同韓國遊記會陸續登出，
請繼續支持大Ka同Mia!!byebyebye~~