【2012日本韓國雙城記。首爾自由行篇『2』】

hihi~大家好呀~!又係我大ka啦~

今日一早就去左清溪川..因為我地太想食陳玉華一隻雞啦..
好掛住佢果d唔鞋架雞肉...(冇辦法..鬼叫尋晚食左個鞋烚烚架雞咩)
經過清溪川見冇咩人，可能因為太凍啦，只係得1、2對情侶係度..

呢幾舊石真係好方便..唔使行咁遠就可以過到對面，方便好多。

係度影左一輪就去食野啦..如果遲左去就要等位架啦
好好彩咁去到等左一陣就有位啦..真係好多遊客..坐係附近架大部分都唔係韓國人..

巡例都要影下合相~
因為等左好耐都冇阿珠媽黎幫我地剪雞，所以忍唔住自己郁手剪...

但...睇阿珠媽剪就好簡單..其實係一d都唔簡單..
所以最終都係叫返阿珠媽黎剪...
剪好晒加埋泡菜落去滾多陣就食得啦~

食到咁上下，諗起個個都話呢度d麵好好味，所以我地都嗌個黎試下..

佢地唔係一碟碟咁上，而係一兜咁黎..真係唔講得笑..

d麵吸收晒d汁....真係好好味，而且煮完又唔會太淋...正!!!

食完之後就出發去駱山公園啦...
搭到去惠化站，行左幾個圈終於搵到條路啦..
只要見到有間餐廳出面係用猩猩做裝飾的咁呢個方向就冇錯啦
行上d就會見到警察局，向警察局右手邊行就岩架啦..
行上埋個頗斜架山坡..恭喜你..你到了!


見到佢地就代表你正式踏進駱山公園藝術街了..沿途有好多藝術品..

等待主人的小狗

好鬼祟呀隻小狗..

呢條樓梯係超出名的，韓劇裡面都出現過架....
係度影下，停下，又間唔中咁行錯路架情況下就行左幾個鐘了..
係時候準備落返去搵今晚食飯果間店啦..

呢幅畫就係終點啦..
但係呢邊落到去就發現...呢度係邊度黎架...
好旺架惠化站去左邊呀...
大ka同Mia完全唔知自己去左邊..只好見路就行啦..
就因為我地亂咁撞，俾我地發現左...

大家睇下..幾靚..完全冇諗過仲會見到紅葉..好驚喜^^

仲見到遊樂場添..好耐冇玩過搖搖板啦..
好懷舊的玩意，完全重拾童真..哈哈!
玩左一陣就繼續行..終於見到大學路啦..
行左一陣就去食晚餐了

就係呢間啦...
呢間店係Mia上網時發現的，佢見到blog友架推介就好想試啦
點解?因為呢間店係少有架生果酒店
其實呢間店都幾難搵..因為冇地址，只係知道係星星茶坊附近..所以都搵左一輪

生果酒對面間舖..

memu介紹佢地出名的食物
終於入去啦，安排坐係外面，但一d都唔凍架..佢地暖氣好足..
係嗌酒架時候諗左好耐..究竟要咩酒好呢..樣樣都想試..
最後我地叫左...菠蘿酒

真係用菠蘿上架...另外仲有一樽俾你
個酒甜甜地幾好..Mia佢就好鍾意啦

野食到啦..唔知呢個叫咩名..
南瓜裡面有海鮮同芝士..真係幾好味..但又真係好辣..係我地係韓國食過架辣食品中排頭3名..

不過好左加埋酒中和一下就無問題..

飲杯!!下次我要黎試埋其他味先得..
食左飯..時間都仲早，咁我地就返左去新村買野....
嘻嘻..去左31度買雪糕蛋糕..
因為Mia今年生日架時候我地係日本冇食到蛋糕，所以黎韓國補返..
個蛋糕幾靚..

Mia生日快樂呀!!! Dreams come true^^

不過好可惜架係...個蛋糕我地係食唔晒的..
因為實在太多朱古力啦..而我地2個又唔太鍾意..
唉..下次都係唔好貪個樣..
食完蛋糕，睇下電視就訓啦~

待續