Ka_Mia: 【旅遊。韓國自由行D7 -- 昌德宮、Rabbie Cafe & 烤肉】

已經黎到旅程第七日了~
今日我地第一個景點就係昌德宮。
但出發前都要食返個早餐先，係酒店樓下間CAFE度食
唔知係咪過左早餐時間，成間店只得大KA同Mia 2個

幾豐富個早餐..燒雞扒三文治
呢次早餐我們仲挑戰齋啡添....真係好提神呀但堅飲唔慣囉..
食飽飽就出發去昌德宮

因為我地尋日買左套票，所以就可以直接入去，唔使排隊買飛啦
黎昌德宮一定要去埋佢個後苑，因為入面係靚過出面好多
但入去係要另外俾錢買飛的(好似係門口可以買埋)，但我地個套票係包埋，所以去換就OK

就係係呢個白色亭度換啦，旁邊個矮圍欄就係入口，個紅色門係另外一個宮(昌慶宮)既入口黎架。
入後苑係要跟佢果個導賞團(免費的)先可以入架(其實就係佢會有個工作人員著住韓服咁講解個後苑歷史俾遊客聽的)，
咁個導賞團會分左中、英、日、韓唔同語言，
咁你就要睇清楚時間，中文同英文每日得一,二團架咋，而且時間仲隔得好遠添
不過我同mia就冇理啦，揀左個最近既時間就算，因為我地都係黎影下相
而最近果個係英文團，但都要等幾個字，咁就係附近坐下先

坐係度都要自拍一下，哈~後面就係昌慶宮個入口啦

見咁多人排就知差唔多時間入去

人地講解緊既時候，我們諗住睇下地圖有冇D資料啦...你知啦..英文真係唔係全部都識聽架嘛...
點知..........原來Mia拎果份係日文黎架...
因為佢封面係中文字..Mia就咁俾佢呃左了..

沿途行下停下..成個行程都要個幾鐘架，行完就出發去第2度啦..
之後我地就搭SUBWAY(韓國地鐵)去新沙洞HIGH TEA~
其實係我地想去果間Cafe係新沙洞所以我地先去果邊..
搭左唔知幾多個站，又行左一段路，終於到啦!因為我地冇寫低地址，所以需要少少時間去搵
間店個樓底好高，而且設計又簡單舒服，真係好舒服架..
咖啡，CUPCAKE終於到啦

呢個就係呢間店好出名架兔子CUPCAKE

同佢杯Rabbie Coffee，果咖啡係幾好味架,但個Cake就甜左少少..

2杯咖啡加個CUPCAKE計返百幾蚊..叫唔叫平呢?我就覺得唔太平啦，不過一次半次就冇咩所謂啦
休息完畢就行下新沙洞，呢度個感覺同明洞東大門好唔同，比較寧靜
但一行返去狎鷗亭就熱鬧返晒LU....
去到狎鷗亭就想搵下神話烤雞同埋EVERYSIGN...不過我地搵左好耐(大約個幾兩個鐘)都搵唔到..
個天又黑晒，個人又行到累..真係唔想再搵啦..只好搭返車返新村
但個地鐵站又太遠，所以去搵巴士搭返去