【美食．湊湊熱鬧。品嚐米芝蓮<添好運>點心】

今日要介紹俾大家架係 -- 點心
相信大家都一定有食過架啦，大KA我本身都係好鍾意食點心架人，最鍾意就係去茶樓
之前食點心一定係去茶樓或者買叮叮先得(有時夜嘛嘛都會想食點心，就要叮叮啦)

但近年越來越多類似茶餐廳0既點心店開左，有D仲24小時營業，真係想食就食，唔使下下都食叮叮點心好啦講返今次間野先，相信好多人都聽過佢個名，佢就係被選為米芝蓮一星食肆 的添好運點心專門店


呢間係位於北角架分店，據報平時係超多人的，(但當然冇旺角總店咁誇張啦，要排成2個鐘先有得食 =..=)
因為我地已經過左食飯時間，而且又是平日，所以好好彩咁唔使等就有位啦^^
一入到去坐低就已經會有人俾張剔剔紙我地剔點心，雖然點心唔多，但有D比較特別，出面好似都冇的

俾左剔剔紙個姐姐後，係等架時間就拎個玩具出黎玩下

"登登登登~~新玩具出場~!!"
影下相，研究下，幾個字後主角出場啦~~有得食啦~~

名副其實0既蝦蛟仔，雖然細細粒，但皮薄蝦爽..好味，不愧為推介之選!
豬潤腸粉，我本身唔太好豬潤，因為陣味唔好，不過見出面冇就點黎試下啦
嗯..都幾好味喎，D潤唔係好勁味，個皮又好滑，都值得一推!不過熱愛豬潤味0既人就未必鐘意
我最愛架蘿蔔糕，但呢間一般啦，不過就冇咩料，不過佢真係有一條條0既蘿蔔絲係度，正宗架蘿蔔糕

燒買就真係燒買，冇話特別好吃

人氣之選酥皮焗叉燒包，呢個真係好好好味!!外面脆脆地，一咬落去就軟棉棉，不過大家要小心，入面真係好熱架，小心辣口

真係好足料架，個皮又唔太厚，真係一個人食3個都OK(如果唔食其他野)

最後就係慈禧太后架最愛甜品 -- 桂花糕
不過大KA就唔太喜愛，但我都試左一件，入口都幾清新，真係有桂花味架!
最後要推介架係佢個辣醬，好辣又唔算，但就好香口，不過就有少少太油
總括黎講，真係好食的，俾評為米芝蓮一星食肆都實至名歸。
下次再去架時候要試埋佢個好出名架馬拉糕先~
有好野食架時候就再同大家分享啦~拜拜~