【旅遊。韓國自由行D6 -- 景福宮尋楓】

好多人都知道，韓國係一個四季分明的國家，秋天的時候就會有楓葉同銀杏出現。
其實我地今次旅程都有一半係為左可以見到滿滿的楓葉而黎的(而另一半當然係我地太鍾意韓國啦)，於是今日就係我地尋楓之旅的開始!


今日的早餐我地選了食炒辣雞，晨早流流我地就食D咁刺激性架食物...真係好奇怪的..=_=
呢間炒雞店係連鎖店，周圍都有架~我同MIA次次黎韓國都會食的，新村呢間店的前菜係自助形式的，出面有個雪櫃仔俾你拎的


我同MIA通常都係拎呢幾款，泡菜係因為係韓國唔食好似好唔慣咁，個酸瓜就係MIA最愛~黃瓜果碟就係我的,個沙拉菜就大家都好鐘意~

等左一陣主角到場，個炒雞係連個鑊一齊黎，有雞啦、菜啦、仲有年糕。
食到咁上下，就會有個服務生過黎幫你炒飯/麵架啦

個飯真係好好食..不過實在太飽..所以係食唔晒的

食飽飽就真係要出發啦!坐地鐵去到景福宮站，一出去就係景福宮個門口，超級方便!!GOOD!!

因為我地會去埋其他宮，所以買左個套票，抵D呀嘛!但如果你地唔係全部都去的話咁就唔使買啦

入到去就發現左一棵銀杏樹,不過只得一棵，其他仲係綠色的

其實而家都係中午時分，但唔知點解張相影出黎咁似黃昏...

繼續周圍行，影下相咁

每次Mia要影相時，唔知點解就會突然多左一群人..

而家D楓葉都仲未係全盛期，所以都仲有D未變色
話咁快就到景福宮關門時間，姐係話俾我地知又係時候食晚飯了
我地今日去食尋日經過的姜虎東燒肉

個MENU都係佢個樣黎架

牆上面都有

呢碗湯係一僧凍湯黎，一入口感覺係怪怪的，不過可以解到油膩，所以真係值得一飲

我地只係叫左豬牛各一份,個蛋第一次係送的，之後要食先要再俾錢的..
嗯..呢間店唔可以話唔好食...不過唔會話特別再想食..有少少名過於實

行多一陣，就返酒店LU..
之前飲過一次真露，覺得好難飲..但後尾有人話溝汽水飲好飲，咁大KA同Mia就想再挑戰一次
飲酒當然要有小食啦，街邊檔小食當然係首選啦

呢檔的辣年糕真係好辣的..不過唔太好食

最終我地都係發現真露真係唔適合我地..雖然加左汽水係好飲左..但真係都好難入口架
但如果大家真係有令真露好飲的方法，請大家話比我地知，我地會再挑戰的

待續