♥ 2012日本韓國雙城記 ♥ 大阪京都奈良篇 ♥ 伍 ♥

終於有時間繼續寫埋大Ka同Mia夜晚去左邊，
係高雄返番去京都都已經天黑晒，
甘就arm晒了，就去夜遊清水寺了。
夜間開放係時間限定的，10/11-2/12既6:30-9:30pm，
其實11月至12月期間各大寺院都係會有夜間開放時間，比各遊人欣賞夜楓，
日本既寺院真係好識賺錢，好似海馬公園甘，開埋夜場又可以賺多d!

果晚真係好多人去清水寺，多人到唔知點形容，
不過日本人真係好有秩序，唔會推來推去，同強國人好唔同，
又有保安維持秩序，排隊排得好開心，
大Ka同Mia終於排到入去了，
既然呢兩位日本女仔著晒和服set晒頭，就影埋佢地!



唔知係唔係所有寺院開夜場既時候都開開埋盞激光燈，
Mia覺得好似幻彩詠香江果激光甘，


大Ka同Mia行左入去就搵個地方食埋是日晚餐，
因為太趕住坐車去清水寺之後又要排隊，跟本無食過野，
好在帶左之前係奈良買既柿葉壽司醫下肚，
(柿葉壽司好在可以放幾日又唔洗雪真係好方便!)
每一件壽司都有一塊葉包住，
真係包裝得好好!每一件都包得好實唔會散晒!
仲有濕紙巾俾你清潔，
其實因為係用左好多醋去做所以係偏酸，
而且夠晒味唔洗加任何調味料就食得，
味道都幾ok，係一個幾新鮮既嘗試!

大Ka同Mia食左柿葉壽司之後就繼續行清水寺，
可能因為夜拍技巧有限，所以相既質素一段了!
親眼睇係靚好多!

嘩!呢排樹好似著左火甘，
其係係打燈既效果!

例牌動作入廟前要洗手，

大Ka同Mia要許番個願，記得要用5yen許願，
因為5 yen 在日本語的讀音是 GO EN 與 ^緣份^ (日文寫作 ご緣) 同音，
所以用來象徵祝福，



大Ka同Mia都有求籤100yen一張嫁!





大Ka抽左支凶籤呀!於是大Ka同Mia就決到將佢綁係寺內，
其實唔知係唔係甘做，見到人地綁就跟住綁!希望逢凶化吉了!

大Ka同Mia又排左一陣為左飲番啖水，
條飲水兜好鬼死重，一定要兩隻手先拿得穩!

話就話有紫外線消毒，但每一支飲水兜都放入去都唔夠五秒，
又被人拎左出黎，真係唔知消唔消到毒!  

終於行完番出黎了!好難先找到人幫手影張相!

大Ka同Mia係甘比人Sell喝番杯綠茶，
飲飲下又試食下，甘又買左野了，
不過杯綠茶真係好好飲，
所以Mia都買左包茶粉番香港慢慢飲!

大Ka同Mia終於都係食到綠茶加栗子味既雪糕，
雖然成HKD30一杯，不過真係好好味!

HELLO KITTY呀! 雖然無錢帶你番屋企，
不過有得合照都好好!



大Ka同Mia經過一天東奔西跑終於回到京都車站，
抬頭一望，嘩好大棵!因為近聖誕節車站有好大棵聖誕樹，

 

仲希好多人坐係度傾計同休息下，
大Ka同Mia都好想不過又要坐車回大阪了!
有機會既話真係要住係京都呀!

日本同韓國遊記會陸續登出，
請繼續支持大Ka同Mia!!byebyebye~~