【2012日本韓國雙城記。首爾自由行篇『4』】

今日架行程原本係安排去2間由SUJU成員開既舖架..但點知自己遲起身..所以只可以選一間去...
尋晚配左副眼鏡..今日就去拎啦~~估唔到尋日果D店員會認得我...
哈哈~好開心有新眼鏡用~~

拎完眼鏡就去食野..去左梨大食年糕鍋
呢間店我地已經好耐冇黎過啦，起碼有成年啦~
入到去就即刻叫野食~
等左一陣~김밥(紫菜卷)黎啦~

嗯...好似冇咁好食..
個鍋黎之前送上一盆炸物點埋個汁..超好味YEAH~!!主角上場啦~

熱辣辣~好好味呀!!!!不過..唯一缺點就係越食越辣..
食飽飽之後就係梨大行下街..行左一陣就轉左去左新村u-plex..
平時都唔會行架..唔知點解今次就去左行,,就係咁我又敗多左個mcm，而Mia都唔執輸亦都敗左個袋~

臨近聖誕~商場有卡片俾客人寫低願望/聖誕祝福，所以Mia佢都寫左張掛係度~
買完野返番酒店擺低野就出發去今個旅程我其中一個好想去架地方啦~~
哈哈~就係suju은혁開架麵包店
佢間麵包店係位於住宅區，所以一般遊客係好少去的
我地都係因為佢先會去
佢間麵包店你可以搭2號線至九老數碼園區/ 7號線的南九老站

我地當然係選擇2號線啦~由新村站過去都要成半個鐘架

係3號出口出~一出到黎真係好唔同~一睇就知唔係遊客區，因為呢度真係冇野買
真係得D食店，住宅~!
沿住3號出口直行~見到呢個灣位，大家千其唔好過班馬線呀~繼續行就得架啦~

之後會見到우리銀行啦~

繼續向前行會見到呢座野

咁行多幾步望一望左手邊就會見到

無錯就係呢間啦~屋口個小黑板寫住SUJU은혁~

我地去架時候都已經6點多，所以只有2,3個人係度
可以好FREE咁影下相~

好鍾意佢causal wear look~特別可愛~
見到은혁엄마，心情好緊張呀~仲同左媽媽影相~

我地叫左2杯飲品同幾個包，係到坐左一陣就要走啦~
I'll will be back~!!
7點幾要去食個dinner啦~今晚我地去食蒸海鮮~YEAH!!
呢間海鮮店係位於新沙站

係4號出口出

上到地面見到巴黎麵包店就岩啦

向前行見到KB銀行，係KB旁邊個路口

相中呢個小路口轉入去

就會見到HOLLYS，間海鮮店就係佢左手邊

間舖細細，所以黎呢度食要早少少呀~
如果唔係就要等位架啦~
我地7點幾黎度都要等幾張先有位~
呢間舖基本上都係本地人幫襯居多~好少外國人去

所以店長見我地外國人就請我地飲左支米酒~嗯...都幾好飲既!

每枱都會送個海鮮蔥餅~當然唔少得個海鮮鍋啦~

我地2個人叫左個中SIZE~
都好多樣野食~有章魚啦、青口啦、蜆啦、帶子等……最特別係仲有隻雞
個店長好好咁幫我地剪埋

佢有2種醬提供，第一個就係普通芥末加豉油，另一個我就唔知係咩~辣辣地咸咸地咁..

海鮮加埋佢個菜真係好好食~睇我個樣就知啦~!
食到咁上下~呀店長就問我地要唔要麵~網上個個都話一定要點咁我地都點左個~
係呢個時候，店長就拎起剪刀將隻雞分屍咁放落個鍋底淆湯

雞湯加埋海鮮湯真係冇得頂~超好味!!!

加埋個麵，正!! D麵吸晒D汁真係超好味~!!
如果大家有機會都要試下呀~
我地食完個晚餐都差唔多11點~我地又要勁趕咁搭地鐵返去..
因為係第一次係呢個站度搭車..真係有D唔識搭囉..
D指示超唔清晰..攪左一輪先搭到車..
不過好彩都趕到尾班車返去~
返到去又係時間執行李了..


待續