終於打番好耐都無打過既大Ka同Mia既大阪首爾之旅!
希望大家仲有興趣繼續睇落去!
大Ka同Mia第六日既旅程又係去左京都，
去左京都都已經成12點了，
如果再有機會去關西，一定一定會住係京都呀!
慳番好多坐車時候同車費，
一到步都已經係食飯時間，又費事周圍行，
就近近地係京都車站食，
點都要食下日本既拉麵既---京阿月，
佢地d餐都幾得意，
一碗麵加一碗飯，
大Ka點左個唔記得叫咩名，
總之個有菇既飯係好味，
拉麵係不過不失，
Mia要試限量既心態點左梅小路(季節限定)，
個五花肉飯真係好食，
五花肉唔會好油，好香口，
但係碗麵真係好咸~
呢個楓葉小魚蛋靚就真係幾靚，
但非常之唔好食，不但唔彈牙(林)到一堆野仲要無味，
魚蛋始終都係香港仔既魚蛋最好食!
大Ka同Mia去左京都車站旁既郵局寄名信片，
真係好貴好貴呀!
淨係張卡已經HKD$2X，再加埋郵費就要HKD$4X，
大Ka同Mia好努力甘寫仲影晒相留念，
好可惜Mia張甘有紀念價值既POSTCARD竟然寄失左，
真係好唔開心呀!
其實果日上午都係毛毛雨，
下午終於放晴了!
今日係去唔洗入場費既八(板)神社，
又係例牌動作入寺前先洗手，
唔洗入場費既地方反而唔係太多人，真係好奇怪!
係呢度唔會好以之前甘逼，周圍行周圍影!
大Ka同Mia一場黎到都有祈福!
因為呢個美容水池，吸引左好多女仕，
個個都要用呢個水池既水洗洗面，
大Ka同Mia都唔執輸要洗埋一份!
大Ka交足晒戲!即刻試洗!
希望大家都越來越靚!
大Ka同Mia就沿路向上行，
行左入去(yen)山公園，呢度都幾多紅葉!
天氣好好呀!影出黎既相真係靚好多!
大Ka同Mia終於做左一直都好想做既事，
比人畫人象，
其實佢都係遊客，行到邊畫到邊，
仲有佢係得一隻手，
好勁甘畫得好鬼馬，
仲可以幫大Ka同Mia影相添!
畫完Mia既一半之後就畫大Ka既一半!
大約十分鐘就畫好左!
被畫期間大Ka同Mia比無數甘多遊人圍觀!當時都幾尷尬!
大Ka同Mia最後製成品，
都唔明點解著甘少布既衫!
明明係冬天大Ka同Mia都包到密密實實!
開始日落了，大Ka同Mia去大阪名店朝聖，
好多遊客，但竟然無人識講英文、普通話，
最叻都係比張中文小冊子大Ka同Mia睇一下就要拎先，
唔通一間得一本!
今次既手信都係度完成晒，真係唔係姑寒既手信!
大Ka同Mia財散人安落之後，就行下對面既祇園，
好多好多遊客，旅行團呀!
又話好出名，但點解無咩野睇!
大Ka同Mia係時候耍醫醫肚了，
行來行去都係D好貴既食店，
所以都係返左八(板)神社附近，
入左一間食大阪燒既店，
成間店由頭到尾都係得大Ka同Mia兩個客，
可能時間太早了，大約六點左右!
個兩個唔知係唔係店長同店員定男女朋友，
佢地同大Ka同Mia係完全溝通唔到，仲慘過第一次去韓國，
是但指左個野食，
但唔知點解唔係自己搞先煎，
係煎好晒出黎比大Ka同Mia，
都係唔好問甘多，食左先算!
大阪燒既味道都OK，都幾足料!
大Ka同Mia總算食飽左，
開始下半場行程，又要賞夜楓!
其實目的的係高台寺，
不過唔知行左去邊，行下行下行左去知恩院!
大Ka同Mia都係係門口影左張相就走左了，
唔知兜左幾多個圈，
終於去到目的----高台寺
大Ka同Mia真係同行山路好有緣，
不來高台字同個名好夾，
成間寺都繞住個山起，
所以大Ka同Mia都係要係山上面上上落落!
大Ka同Mia所有相都係有秩序人迫人既情況下影，
難免有少少手震，
雖然都係夜楓不過同早一日係清水寺既紅葉好唔同!
大Ka同Mia都認為呢個竹林有少少陰森，(可能係夜晚)
但真係比磋(娥)野果個更雄偉!
行行下又行番去八(板)神社，夜既無人又可以大影特影!
大Ka同Mia最後都係乖乖地等巴士返京都車站，
再回大阪酒店!
因為明天要搬酒店了，
所以要食晒雪櫃既食物，
原本對盒京都奶好有期望，點知又係失望!
次次都係被(限定)兩個字呃晒，
好似水甘無咩奶味!
而蛋糕就不過不失，
甘又食左一餐超肥既宵夜!
要執好行李搬去民宿住了!
日本同韓國遊記會陸續登出，
請繼續支持大Ka同Mia!!byebyebye~~
請繼續支持大Ka同Mia!!byebyebye~~
沒有留言:
發佈留言