日本人呢個設計真係好方便，甘一夾沙律醬就輕易落晒d菜度了!
大Ka同Mia又坐電鐵出發了，
係桂再轉車到嵐山站，
記得架車既位好得意大Ka同Mia係面對面坐，
大Ka同Mia終於到左嵐山了!
大Ka到此一遊照!
其實個地圖真係唔太幫到手!
睇完就淨係知道要過渡月橋，
係橋邊有好多公公婆婆係度寫生，
大Ka同Mia覺得呢幅畫得最靚!
係橋上面望過去個山係由好多黃色紅色綠色既西蘭花組成，
大Ka同Mia決定落重本坐一轉呢隻船係河上欣賞風景，
船程約半個小時，
由呢位好有型既船伕幫大Ka同Mia撐船，
如果識日文就好少少，佢會沿途講解，
同佢影相時仲擺晒pose，
船伕仲好熱情甘幫大Ka同Mia影合影，
不過唔知佢係唔係唔太平衡，
大Ka同Mia張相係斜晒，
呢張合相係經software拉番正既製成品，
係船上見到好出名既激流版觀光船番黎，
無記錯既要成HKD3XX一位，
幾位船伕有好多特技表現，
大Ka呢張相感覺好PRO，
大Ka同Mia坐完船仔就繼續行入去，
經過食物檔，
又要排隊買番支雪糕食，
今次既雪糕係四隻味，
綠茶、栗子、雲呢嗱、仲有一隻就唔記得係咩味，
大Ka自拍既時候，
有個好可愛既小朋友入左鏡，
超級搶鏡!
大Ka同Mia終於行到嵯峨野好出名既竹林，
其實大Ka同Mia都覺得之前係高台寺既竹林宏偉好多，
大Ka同Mia又一直向前行，
係行去目的地既期間就見到呢個甘平靜既小池塘，
到左大Ka同Mia既目的地----常寂光寺，
寺內處處都係紅葉、銀杏，對眼淨係見到紅色呀黃色呀!
大Ka同Mia行到累，
拎番之前係奈良買既葛餅醫醫肚，
行番去車站時，見到面前有一大片草地，
城市人真係鍾情於郊外，
始終都係忍唔住停低影張相，
最後就乖乖甘坐電鐵回程返大阪了，
大Ka同Mia終於返到梅田，
人地既百貨公司真係好有氣勢，
行左無數次SOGO都無甘既感覺，
大Ka同Mia由上一餐葛餅後就甘都無食過，
個肚不知幾餓，
就係呢個時候，就聞到好香既麵包味!
大Ka同Mia就即係抵受唔到引誘，
一人一個心心餅，
雖然好甜，不過肚餓就咩都好好味!
大Ka同Mia再轉到心齋橋既--但馬屋，
好多網友都介紹過既日式火鍋放題，
其實果日係Mia既生日，大Ka就決定請Mia食番餐係日本最豐富既一餐，♥♥♥ 언니! 감사합니다! 사랑해요!!♥♥♥
大Ka同Mia又豪左一次呀!
加左錢食和牛打邊爐，D紅白分怖都幾平均，另外仲有豬肉同雞肉，
大Ka同Mia好低B，
習慣左係香港打邊爐係有好多湯底選擇，
不過但馬屋係用昆布清湯(即滾水加一塊昆布)，甘先食到肉既鮮味!
除左三款肉外，
仲有蔬菜任食同飲品都係任飲，不過佢D野飲真係唔係好得，
以下果杯白色既菠蘿汁同橙色既橙汁都係開果汁粉，
真係難飲到無朋友，
唔怪得之周圍張張檯都係飲可樂同烏龍茶，
最後好在D雪糕都幾好味!
大Ka同Mia最後食到好飽甘返民宿!
早少少休息到明天係大阪既最後一天旅程，
大Ka同Mia既旅程就進入尾聲!請繼續支持大Ka同Mia!!
byebyebye~~
沒有留言:
發佈留言