♥ Ka．Mi 英式 high tea @ Café 8 Degrees 8度餐廳 ♥

早一排yahoo有一個團購係幾十蚊可以試下英式下午茶甘大Ka同Mia都試下了，

估計應該係d新酒店既promotion，所以都係以平常心去試下，

但呢間酒店真係偏遠左少少，總之港鐵同大部份巴士都唔經，

8度海逸酒店 既Café 8 Degrees 8度餐廳，

餐廳內環境都可以，不過檯與檯之間距離就窄左少少，

呢幾張相係其他人差唔多走晒先影，

基本上餐廳內全部人都係食團購tea，

好好彩大Ka同Mia坐左係牆邊，感覺好好多~

第一碟係兩個小果撻同兩個 mini macaron

而小碟上果d係牛油，起初仲以為係cream，
老實講食左甘多次macaron都無一次係覺得好食，

呢次都唔會例外，macaron大多數都係好睇唔好食~


第二碟係天堂。凡間。地獄既混合碟，

天堂--小葡撻--好香好滑既涵，酥皮亦唔錯，

凡間--提子鬆餅--無驚喜--kfc果鬆餅比呢果好食，

地獄--鳳梨酥--係酒店網頁上明明推介係自家製鳳梨酥，仲以為會驚為天人甘好食，

點知Mia真係未食過甘奇怪既鳳梨酥，新鮮製既菠蘿肉點解可以整得甘難食!

第三碟係好正常既三文治同煙三文魚卷，
表現合格只係件碎蛋沙律好似無放沙律醬甘乾，

底碟係生果、菠蘿肉啫喱同雪糕，

個雪糕係成個set當中最好味既~

成間cafe既顧客都係食團購tea set，人人都有一set係面前，

場面都好幾壯觀，所有人都係食同一樣野!

 

 最後就係介紹cafe既特式，所有野都係斜左8度，

隻杯係最明顯的~

下次再介紹下大Ka同Mia試左其他餐廳，

請繼續支持大Ka同Mia~