因為經過尋日一日的行山，所以今日要選一些輕鬆舒服的活動進行
第一站就去左位於新村架延世大學
(延世大學是韓國歷史上第一所進行留學生交換的學校，亦係韓國三大大學之一)
去延世只要係新村U-PLEX直行到尾，過左隧道就會見到馬路對面0既大門架啦
一入到去睇下個學校地圖...嘩..使唔使咁大呀!!!係學校學生竟然要搭SHUTTLE BUS..或者要自己揸車..
真係好羨慕係度讀書架學生，學校又大又靚，四季景色又分明，每隔幾個月就可以欣賞到唔同景色，真係好!不過有個缺點就係校園太大啦...如果遲左返學就要係校園狂奔..諗下都覺得...
係校園行左一陣，其實都唔知有冇2/5，但咁就已經一個上午了..
因為時間有限(又要重覆：太陽係好早就會落山架)，所以要拿拿聲去食飯再出發去其他地方
我同Mia 2個因為俾大大個太陽曬到個人興晒..所以想個人涼下，決定去食冷麵
但唔知係咪因為唔係夏天呢~好多鋪頭都冇冷麵供應啦..
終於俾我地搵到一間寫住只係冬天唔供應冷麵架鋪頭，咁我地諗住應該會有啦咁咪入去囉...
但點知,,,入到去嗌野食架時候佢先話而家係冬天所以冇冷麵架...
果一刻..心情立即Down晒.....我又唔好意思行返出去喎..只好求其嗌左個麵就算啦..
唉..真係熱上加熱
超快食完野之後我地就出發去德壽宮!
德壽宮位于首爾繁華的街道上(市廳站)，以古色古香的石牆路而聞名。而且德壽宮的另一大特點是首爾市小而美的宮殿兼具中西式建築
石牆路果邊係好出名賞銀杏的，但好可惜我地仍然係未去到..(又或者去過我地係唔知)
今日唔知係咩日子呢..第一次黎德壽宮係咁多人架..
我地搵左個韓國人幫我地影合照，但好攪笑地個韓國人要再幫我地影張高炒..
但個問題係佢唔太高..所以幫我地影架時候都好辛苦..不過真心多謝佢..因為佢都係想幫我地影得靚D^^
去左咁多個宮，始終都係最鍾意德壽宮，感覺特別舒服...只係坐係樹蔭下飲杯咖啡，同朋友傾下計咩都唔做都覺得好好..
不知不覺間都行到晚餐時間，返去新村食個晚飯先..
(因為下午時經過一間店覺得幾吸引，但下午太熱了冇食，所以安排作為晚餐)
我地叫左個SET食..好平呀..萬幾WON有2個小食+1個濕/乾架部隊鍋~
個蒸蛋真係好好食..睇個樣以為會唔滑啦..點知唔係喎..YUMMY!主角 -- 乾炒部隊鍋
炒完就係咁架樣
都幾好食架，不過食完先知原來呢間係出名濕架部隊鍋架..下次再黎食過先.
食飽係新村行多陣買多陣野就返酒店收拾細軟..準備明天返香港啦..
待續
沒有留言:
發佈留言