♥ 韓國美食 ♥ 韓式豆腐鍋 ♥

大Ka同Mia每次去韓國都好堅持食韓國餐，

而豆腐鍋都係Mia其中一種至愛既韓食，

因為豆腐滑滑又辣辣地，送飯食一流


但起初第一次食既時候，好多時都被店員望下望下，

大Ka同Mia都唔明點解，照自己既方法食，

其實大Ka同Mia有望過下店內既其他人，

又唔覺得同佢地既食法唔同(只差加水變飯焦呢一步)，

食得幾次之後，終於有店員忍唔住走過黎教左大Ka同Mia地道既食法，

P.S. 不過只限用石鍋載飯既豆腐鍋

韓國餐廳最好既係前菜無限添加，

總之食晒就可以叫店員添加，

首先要將鍋內既飯(筆)晒入另一個碗內，

跟住就將銀色壺既熱水加入無飯既飯鍋中，

跟住合蓋焗一陣，

一兩分鐘之後，連飯焦都可以食埋，

真係一d都唔浪費，不過大Ka同Mia每次都無可能食得晒，

之前大Ka同Mia就係真接甘食飯鍋既飯，

無食過韓國人認為係好野既飯焦，

店員應該係覺符大Ka同Mia浪費掛，

 

Mia最愛既海鮮豆腐鍋，

記得記得一定要加雞蛋，

唔好理會生雞蛋好多菌之類既理由，

如果因為呢個理由令到自己錯過左一嘗韓國傳統口味既食物就太可惜，

因為加左雞蛋真係滑好多，

其實個豆腐鍋好滾好滾，隻蛋一分鐘都唔洗就熟晒，

希望睇完呢一篇唔好覺得大Ka同Mia好無聊，

只係因為大Ka同Mia都好鍾意韓國想同大家分享韓國既野，

同埋唔希望再有人好似大Ka同Mia甘丟臉，哈哈!