大Ka同Mia係大阪既最後一整天既行程，
為左要清晒雪櫃內既所有野食，
所以早餐就係佢地，
原本闊麵同淡麗係宵夜，
但因為晚晚都太夜同食好飽所以無食到，
所以一早就食左佢地作為一日既開始，
闊麵同淡麗無令人失望，
Mia一直都好鍾意食童星點心麵既闊麵，
呢款闊麵就比平時食開果d咸左少少，
而淡麗唔會好苦，好似韓國既CASS甘易入口，
呢個布丁同台灣統一一樣甘好味!
大Ka同Mia都覺日本既小朋友好幸福好容易就可以食到甘好味既布丁，
飲飽食醉之後大Ka同Mia就出發去伏見稻荷!
伏見稻荷果然係狐狸既世界，
連車站都係狐狸裝飾，
大Ka同Mia去左伏見稻荷就落絲絲細雨，
可以唔洗用遮，但天陰陰，
天氣凍左好多，一路講野都係會噴煙，
真係好貼心!因為遊客多，
好多人都唔知點漱口同洗手，
因為去之前好多寺都見到人係會直接用個咀飲水漱口，
其實係要倒d水係手先再漱口，
伏見稻荷應該係翻新過，
周圍既建築物都係好新好靚，
完全唔會好殘舊，
呢個妹妹真係好可愛，
仲有係和服襯crocs，好有型呀!!
大Ka同Mia都係入廟就要拜下神!
d繪馬係鳥居款!
大Ka同Mia就係為左呢個好出名既千本鳥居而黎，
其實鳥居真係好多人，
影左幾十張先影到一兩張身後無人群既相，
大Ka呢張真係好靚，Mia可能命運既安排，
身後永遠都係人山人海，唉!
最後大Ka同Mia走左出鳥居外面，
真係好一個人都無，
影相都影得好爽!
過左千本鳥居見到既小神社既繪馬就係狐狸型，
好多遊客都好有心意甘畫好多唔同既狐狸樣，
大Ka同Mia遇到一個好好人既香港女仔，
主動幫大Ka同Mia影番張合照，
thank you!
落番去近入口既廣場仔，
大Ka同Mia找到一個地方可以set機影自拍，
自拍mode啟動，影左十幾張，
行過既路人都眼望望左一陣，
一係就唔知影緊相，直行直過遮晒大Ka同Mia，
大Ka同Mia玩完一大輪就知道餓，
係行去車站途中，又買左盒鯖魚壽司醫肚，
原本大Ka同Mia去左東福寺，
點知去到既時候已經關左門，
要等夜場先可以再入去，加埋天氣唔係太好，
大Ka同Mia都決定唔等了，
要去一去宇治，試下宇治既綠茶係唔係特別好味!
係好突然既決定!
不過去到宇治都已經成6點了，
好多店都關晒門，又無做過功課，得番幾間店未關咋!
所以大Ka同Mia就入左呢間--憩和井，
一坐低店員就比左一杯係日本甘多日以來最好喝既綠茶大Ka同Mia，
跟住就開始挑食咩好，
不過原來無宇治金時食嫁(夏天限定)，
但有好多好靚既綠茶甜品食，
點解日本既野食可以甘好食，
無論雪糕、布甸、栗子、餅乾同小丸子都係甘好味!
大Ka同Mia用左15分鍾就清檯了，
原來人地鋪頭收6:30，
大Ka同Mia已經阻住人地收工，
大Ka同Mia忍唔住要比個讚!
果晚好凍好大風，
連電車都開左暖氣了，
暖氣就係銀色果排孔出黎，
大Ka同Mia又從字治回到梅田，
之前上網睇過既蛋糕甜品任食既--sweet paradise，
其實所有甜既野食都有得食!
上到去店員就會叫你自己買票先，
其實佢係兩小時任食既，
票上印好晒幾點食完!
梅田分店!
店員知道大Ka同Mia係遊客就比左張英文簡介我地自己睇，
成間店既裝修都好多心心，
因為近聖誕節聖誕樹都係掛滿心心!
張櫈幾靚!
成個櫃都係蛋糕，芝士、朱古力、士多啤梨、梨、綠茶等......
樣樣都可以拎黎食!
有甜乳酪食，
同香港d乳酩店一樣，
旁邊仲有好多配料，
朱古力條、棉花糖、脆脆、軟糖等等......
另外有爆谷!
朱古力噴泉!
有一部0赫親人既咖啡機，
整咖啡時會噴煙變紅色，好似會爆炸甘!
仲有小型沙律吧!
雖然選擇唔多，但因為大Ka同Mia好多餐都無蔬菜食，
所以0岩晒!
哈哈!放左大Ka既食野相出黎!
原來仲有birthday影相留念!
準備去韓國了~
但除左行李之外仲要消滅呢個成百蚊既蜜瓜!
佢個樣好靚，而且切開既時候香到無朋友，
唉!好可惜唔知係唔係大Ka同Mia唔識選，
總之唔係好甜!
大Ka同Mia打包晒所有野就去訓了!
到左第二朝，Mia身痕地用左民宿個大磅去磅下個行李有幾重，
死了!未去韓國都已經22kg了!
到底返香港大Ka同Mia既行李唔知會重成點?
要睇埋大Ka最後一篇既韓國遊記就知了!
大Ka同Mia等緊上機了~
(呢到都有小插曲) ---- 就係填入境紙
唔知係唔係真係甘少人甘轉機(得日文同韓文)，
大Ka同Mia識講兩句簡單既韓文，
空中小姐就比左韓文入境表大Ka同Mia，
真係唔識填，呆左!
都係要問小姐換番張中英文版黎填!
銀包到有三隻唔同既貨幣，
不過最後都會變晒做won，
見到好親切既韓文字，
大Ka同Mia已經移動到首爾了!
Mia負責既大阪京都部份就到呢度，
跟住就接番落大Ka負責既首爾部份了!
多謝大家甘耐既支持!
伸延文章:
【2012日本韓國雙城記。首爾自由行篇『1』】
沒有留言:
發佈留言