Ka_Mia: 【2012日本韓國雙城記。首爾自由行篇『完結篇』】

話咁快又最後一日啦~旅行既時間永遠過得特別快~
起身執好行李，攪好晒野已經中午時分啦~
出發去食過LUNCH先~
因為大KA同MIA都唔知揀咩食好架情況下又去食炒雞啦~

Set Lunch真係抵好多~

今次個湯轉左~變左麵豉湯

我地今次突登叫個芝士..佢個芝士粒同香港好唔同呢~

佢地D芝士同我地食開既唔同..冇咁濃味~但整體黎講都OK
食完個LUNCH都唔知去邊度行..
咁岩Mia又要去TOO COOL FOR SCHOOL度買返支eyeline 咁就去啦~
新村呢間TOO COOL FOR SCHOOL係同其他唔同
呢間係有化妝師駐場架~

所以佢有一個位置係專幫人化妝，而我地亦都中招了
(圖中個籃就係Mia其中一籃戰利品)

係Mia周圍影相既時候，我就乖乖地咁坐係度俾個姐姐改造中..
係呢間店裡面我地就玩左成2個幾鐘..
而且消費左近40萬(WON)...唉..真係一個害人不淺的地方!!
之後睇返時間，噢!大獲，我地遲左啦!
即刻19秒19咁返酒店，擺返好戰利品就衝去等機場巴士
好彩我地係網上CHECK-IN左..如果唔係就冇時間去退稅啦
原來係入閘位(等CHECK行李果度)有個櫃台俾你蓋印退稅..真係方便好多..
但今次我真係買得太多野啦~個蓋印阿叔都忍唔住話我..
之後就去28號閘口整埋下半PART..
退稅櫃台永遠都係咁多人..整好晒就去返自己個登機閘口
已經開始排隊上機啦..
但咁多人我地仲可以買杯飲品先上機