第二日既行程仲未完，
仲有庫塔酒店既資料，
大Ka．Mia玩左大半日累到死了!
決定要返酒店，
大Ka．Mia入住巴厘島庫塔里吉斯公園酒店，
(Park Regis Kuta, Bali)，
整體上酒店好新，員工都幾nice，
雖然已經係網上比晒錢但都係要比按金酒店，
搞到即時少左錢用，
杯Welcome drink其實真係唔知咩黎，
淨係記得無味同埋有一粒粒既糖，
終於上到房了，間房真係唔錯，
咩都有齊，乾淨又企理，
最好係無地毯，感覺係乾淨d!
浴室只有淋浴，而且係半磨沙玻璃，
不過係淋浴位係無燈，
所以沖涼時都唔會有好香艷既場面，
真係要提一提係峇里既自來水係唔可以飲用，
即使煮過都係唔可以飲，
如果要飲水就一定要買瓶裝水，
如果唔係搞到水土不服影響行程就掃興了!
大Ka．Mia休息加執下野就行左去庫塔既酒吧街醫肚，
由酒店行過去都要半個鐘，
其實大Ka．Mia係無做過功課，
跟本就唔識路，
只知道由酒店行過去酒吧街唔會太遠，
當大Ka．Mia仲頭岳岳緊既時候，
甘arm見到前面有兩個外國人，
大Ka．Mia深信外國人係最鍾意去酒吧，
所以就跟住前面兩個外國人行，
雖然呢個決定有少少危險，
行行下總算到左酒吧街!
大Ka．Mia行左酒吧街一圈，
酒吧街大致上都係呢兩類人，
1)做生意著得好少布既女仔，
2)互相找獵物既外國男女，
大Ka．Mia最終找到一間無呢兩類人既酒吧餐廳食飯了!
其實呢兩杯係唔同既野，
一杯係cocktail，一杯係Fruit Punch，
真係唔明點解兩杯個樣係一模一樣，
個味都差不多，只係有無酒味既分別，
大Ka．Mia係忠於印尼餐，
所以都係食番炒飯加蛋，
同埋食Pizza!
食飽左之後，一定唔少得既雪糕時間，
試左黑糯米雪條，係鹹既!
仲有支sponpop雪條，被人毀左容，變左科學怪人!
大Ka．Mia第二日峇里既行程終於完了!
第三日行程待續......
沒有留言:
發佈留言