繼續第二天既行程，大Ka．Mia天都未光就出發了!
今日行程好緊湊!
甘早起都只為既只係見下海豚，
不過見唔見到海豚都係睇下彩數!
羅威那既沙係黑色嫁，仲黑過澳門黑沙灣d沙好多，
一陣大Ka．Mia就係坐呢d船仔出海睇海豚了!
隻船仔設備係簡陋左少少，一人一個位，
一上到船要坐定定唔好亂郁，如果唔係反船都似!
不過又唔洗驚既，
佢一定要你著左救生衣先開船，
大Ka．Mia出發了!
希望見到海豚了!
嘩!好多船呀!海豚會唔會驚左唔出黎?
大Ka．Mia之後聽中文司機黃先生講，
原來日日都勁多船出海睇海豚，
基本上都會見到海豚，問題只係多定少，
仲有月圓果幾日見到海豚既機會又會低d!
除左睇海豚之外，仲可以睇埋日出，
日出都幾靚!
成個睇海豚旅程約2小時，
係海上轉來轉去，
船伕都好努力幫手找海豚，
一見到海豚既蹤影就追過去，
數十隻船仔不停係海上轉來轉去追海豚!
大Ka．Mia係見到海豚，
仲好近下!不過數量就唔太多!
之後又聽黃先生講佢見過百幾條海豚，
真係好羨慕!
大Ka．Mia同黑沙合照!
大Ka似拎住d泥多過d沙!
睇完海豚就返酒店食早餐，間餐廳都係好簡單，
同埋一貫峇里特色---無冷氣，
不過唔會好熱，早餐就不過不失!
天光先睇清楚酒店既環境，
大多數為獨立小屋、草地、住客亦都唔多，
感覺好悠閒，好舒服呀 !
如果有時間可以住多幾日就好了!
如果有時間可以住多幾日就好了!
呢間就係大Ka．Mia住既小屋!
小屋道門好靚呀!
道門係傳純式用條木lock住道門!
其實小屋仲有一個露天既淋浴間，
因為前一晚落大雨，所以大Ka．Mia就無用過了!
執埋行李就要出發繼續今日既行程，
車都未上又開始落雨!
下一站係git git瀑布，
去到瀑布時就停左雨，太好了!
雖然名義上唔洗買飛入去睇，
但行入瀑布前有個捐助亭，
要捐助先入可以瀑布(即要收錢先)，
不過捐助金額就係隨意，仲有本簿寫底，
大Ka．Mia隨便捐左2萬印尼盾!
英文司機就帶住大Ka．Mia行入個瀑布，
唯一一次同行，佢提示一定要帶遮，
行入去條路周圍都係草、樹、仲有一層霧，
感覺好似行入個森林甘，
山路又上又落地下又滑，真係要步步為營!
最慘係Mia著住拖鞋，
一路行就一路驚對拖鞋會爛，
大Ka著左對普通布鞋，已經行得好小心，
不過大Ka都係PK左!
仆損左個膝頭仲整爛左對鞋!慘!
行左10分鐘左右，沿途都無其他人，
就見到呢條小橋，即好快就到git git瀑布!
條橋好窄好窄，只可以比一個人行，
而橋下面條溪既水流好急!
如果跌左野落去好快就沖左去無雷公甘遠!
唔洗旨意執得番!
終於到左git git瀑布了!
個瀑布既水量都唔少，因為水聲好大，
企左一陣都被飛埋黎既水整到個人都濕濕地!
影完一輪相之後，行番出森山既時候又開始落雨，
好在有帶遮，如果唔係又會病，
上車出發去下一站!
其實除左食左早餐之外大Ka．Mia未無食過野，
兩個肚都打晒鼓了，
英文司機就話去pacung梯時可以食埋飯，
去到既時候就停左雨，
間餐廳個景觀真係幾好，
個景對正梯田，無遮無擋!
但間餐廳話就話係buffet lunch，
但真係無咩好食，食物選擇少，無晒又唔加番，
味道就普普通通，
唉......仲算食得飽既!
呢餐都唔平嫁!
加埋野飲後平均加服務費後要成港幣100蚊一位!
食飽左就繼續行程，
登登登!大Ka．Mia到左好出名既水神廟!
(Pura Ulun Danu Bratan)
係峇里島每間廟都會有善惡門，
廟宇的出入口通常是由巨大精雕的分隔大門所構成，
稱之為 Candi Bentar。其造形據說取自印度聖山之外觀。
Candi Bentar 兩側各矗立著廟宇的守護神。
左右兩邊分別代表善與惡，
其對稱的外觀 正說明了峇里島人對善惡之同等重視，
因其對現實人世的影響也同等可觀。
P.S.資料來源維基百科
大Ka．Mia係峇里參觀過幾間廟中水神廟係最靚既!
印尼盾50,000鈔票上既圖就係水神廟同百度湖!
水神廟內有好多影相男，
唔係係人都可以幫人影相，
佢地係有牌嫁仲要係指定係用Canon產品，
包括相機同printer仔，裝備都幾齊全，
不過多唔多人幫襯就睇自己既運氣，
價錢又唔貴，2萬印尼盾一張，
仲有膠套同紙套夾住，都幾四正，
就係甘大Ka．Mia都幫襯幾張!
之後大Ka．Mia去另一間係遊客都會去既廟----海神廟，
呢度真係好唔同，一路行入去廟時，
兩旁都係商店同食肆好熱鬧，
甘arm去到海神廟時係潮退，
可以行過去海神廟，
如果潮脹時海神就係海中央，
不過大Ka．Mia無打算上去海神廟，
海神廟最吸引遊客既唔係間廟，
而係呢個對住大海既海邊，
人真係多到好誇張，
其實因為呢度超級大浪，
真係大浪到可以捲走個人，
亦有好多人企係好危險既地方影相，
全身濕晒都唔在講，
有d人比大浪打到趴係地上，超級危險!
可能因為海神既眷顧，
大家都可以平平安安時返屋企，
大Ka．Mia都係度花左好多時間!
因為影下影下相又要走人避浪!
d浪下下都成層樓甘高!
大Ka企個位已經算係一個安全位置!
當大浪一沖過黎，周圍wewa鬼叫，
所有人就雞飛狗走，走到一個人都無!
當大部份人都走晒既時候，
海邊變得好平靜好靚!
其實成個海神廟範圍都係濕漉漉，
好在Mia果日著左拖鞋，
即使個地有幾濕都唔怕!
當日天氣都唔錯，仲可以睇到日落!
離開海神廟大Ka．Mia都累死了!
直接回庫塔既酒店!
待續......
沒有留言:
發佈留言