❤ 大Ka ．Mia 幸運之旅@Bali ．Day 1.1 ❤

2014年大Ka ．Mia換左張新既封面圖!

代表新一年新既開始!

2014年1月頭大Ka ．Mia已經去左今年既第一站，

好耐都無試過1月去旅行了!

大Ka ．Mia根本無打算去呢個地方玩既，

因為印象中呢個地方係比些夫婦同情侶去渡假同渡蜜月既地方，

但正正因為Mia真係好好彩，抽中左雙人來回機票，

甘無計了!原來個天都想大Ka ．Mia去呢個地方玩，

唯有順應天意，提早開始2014年既旅程!

由知道可以去玩到出發數埋都唔夠兩個星期，
第一樣就係要請假先，

跟住日日上網睇旅遊資料，打書釘同預約包車司機，

再用最短既時間book好晒機票、酒店等......
好唔容易終於都準備好晒!只係等出發既一刻! 

"峇里島!" 大Ka ．Mia黎了!

 

因為張機票係廉航送比大Ka ．Mia，

所以係T2出發，大Ka ．Mia未坐過廉航去旅行，

所以今次係大Ka ．Mia第一次去T2，

唔知係因為夜定係少人係T2出發，周圍都無咩人，

大Ka ．Mia要成02:35先起飛，

上之去釜山都只係02:00機，

甘多時間有咩好做呢? 

 

 

出發前既指定合照，

 

係唔係T2先有既超大行李磅?

大家都知廉航既行李係磅磅都係要計錢，

所以真係要好緊慎既執行李，

不過大Ka ．Mia唔想左抽一袋右抽一袋，

上到機又要同人爭位放行李， 

都係選擇比多少少錢寄艙算了!

 

大Ka ．Mia玩完個磅一大輪終於去寄艙同check in，

到呢一刻都係無咩人，都係小貓幾隻，

大Ka ．Mia都係忍唔住係要拎埋張boarding pass影番張相，

 

 

雖然係人都知財不可露眼，

但大Ka ．Mia第一次旅行係洗美元，

佢地好快就會消失，

真係有少少興奮忍唔住要影下佢地!

 

唔去過T2都唔知有間甘大既7-11，

因為廉航無飛機餐食，

所以大Ka ．Mia係呢度食埋個宵夜先入閘，

 

係T2出境時都唔知發生咩事，

入境處既職員一直都同大Ka ．Mia講英文，

有香港ID又中文名都係要同大Ka ．Mia講英文，

點解呢?點解呢?

 

大Ka ．Mia兩位鄉里出發去登機了!

原來T2係要坐無人返T1上機架，

來來去去都係要去番T1，

唉!!!!!!點解呀!!!!!

 

大Ka ．Mia到左個gate等上機，

 

一陣就係要坐呢架飛機去峇里島!

 

大Ka ．Mia終於可以上機了!  

真係太好了，班機都唔full，大約得一半左右，

旁邊個位係無人坐，甘即係可以伸直隻腳甘訓了!

以為可以訓覺好既時候，坐後面果家人，

不停甘整大Ka ．Mia張椅，整醒左大Ka ．Mia，

大佬!你唔訓有好多人都需要訓嫁!

唔係得你一家人坐零晨機捱眼訓，

 爆眼訓既情況下真係忍無可忍了!

最終係要逼人地發火先識收歛下!

 

tigerair形象好young好有活力甘，

 其實tigerair架飛機都幾舒服，

起碼好過中華同東方航空，

機艙冷氣夠晒涼，唔會又熱又焗先，

皮位個感覺乾淨過d絨位， 

經過大約5個鐘既機程大Ka ．Mia坐果架機已經係峇里島上空，

 

係飛機上已經睇到峇里島最高既火山--阿貢火山，

個山應該真係好高，係飛機上平望都望到! 

要提一提香港同峇里係無時差!

  

 

大家記得港澳居民入境峇里島係免簽證，

即可以慳番25美元既落地簽證費，

甘一落機就可以一支箭去排隊入境，

不過都要填好張入境表，

 

網上有好多網友都分享左他們入境時不愉快既經歷，

峇里的入境職員會問遊客收錢才可以入境，

有見及此大Ka ．Mia一早有準備:

1)挑選年輕既職員，好多人都話要收錢既都係年紀大少少既職員 

2)如果佢真係開口要錢時就扮唔識英文，聽唔明佢講咩，希望佢知難而退

3) 準備定細面值既美元，如果真係要比錢先可以入境就比幾蚊美元佢了事，

要有技巧甘攝入passport比佢，唔係買野比錢甘比佢，

用錢解決到就算，最緊要唔好影響行程

不過好好彩無人問大Ka ．Mia攞錢，好順利甘入到境! 

可能大Ka ．Mia個樣似無錢比佢地!

 

大家記得入境時一定要睇清楚職員有無比番張出境卡你，

如果無就一定要問佢拎番，

如果唔係出境時會好煩，可能又比左個'機會'd唔老實既職員!

順利入境後睇清楚個機場，個機場都好新幾有峇里特色， 

但好多地方都未開，因為香港1月係冬天，約十幾度左右，

去到峇里島就廿幾三十度，溫差都幾大，

所以一去到就開始流汗!

大Ka ．Mia係大堂第一樣要做既就係找到個包車司機，

好在機場有免費wifi可用，同個司機聯絡完全無問題，

當大Ka ．Mia都周圍望既時候，

就見到司機拎住寫左大Ka ．Mia個名既A4紙行過黎，

大Ka ．Mia終於有人接機，仲幫手推埋行李添!

 

上左車就出發了，之後既3日大Ka ．Mia都係坐住呢架車周圍去玩，

架車又新又舒服，實在太好了! 

真係要講一講係峇里玩包車係最舒適同比較安全既方法，

因為坐的士既話有好多的士都係黑的會濫收車資，

只有藍色既bali taxi係最有信譽，

但唔可以確保街上一定有bali taxi比你截，

所以都係包車好!(當然遇到個有責任感既司機都係好重要) 

包車又唔算好貴既，根據路程遠近，

約40-65美元一日，8-10小時，超時就1小時5美元 ，

收費已包所有路費同停車場費用，

基本上大Ka ．Mia既行程係司機提供意見， 

大Ka ．Mia只係加加減減行程，非常方便!

一定要提既係大Ka ．Mia真係遇到兩個好好既司機，

原本大Ka ．Mia約左個中文司機(黃先生)，

但佢甘arm已經有人預約左，

佢就介紹佢朋友比大Ka ．Mia(英文司機)，

但佢既英文又好有限，有好多時都溝通唔到，

黃先生雖然唔係接送大Ka ．Mia，

但佢日日都會跟進每日行程，

每天幫忙翻譯行程用印尼文話比車上既司機知， 

幾有交帶，仲有好多貼心既事會陸續後幾篇慢慢寫出黎! 

  

今次旅程大Ka ．Mia全憑一個"信"字，

好多人都話係峇里換錢好煩，

係銀行換個兌換率又唔好，

係街換又怕比人呃，

所以大Ka ．Mia信司機，

去左佢介紹果間兌換店換錢，

果然兌換率好1:12175，又無比人呃錢，  

大Ka ．Mia就帶住手上既幾百萬印尼盾係峇里島洗!

 

大Ka ．Mia開始玩轉峇里島了!

雖然係開車既一刻係藍天白雲好好天甘，

但其實11-3月係峇里既雨季，

一時大雨到人都癲但一兩個鐘後又出太陽，

行程都大受天氣影響!

待續......