11月30日MAMA會係香港舉行啦~~!!好難得全香港攪架~真係好想去睇呀~唔知會唔會有飛呢?
係呢個時刻我即刻諗番上年大Ka同Mia都做左件瘋狂事~
唔知大家仲記唔記得我係上一篇韓國遊記度講過，十幾日後就會再踏足首爾0既..
唔好以為件瘋狂事係一個月黎2次呀(雖然呢件都係瘋瘋地架啦)..
但是更瘋狂架係我們今次係黎睇演唱會!!!講真呀我地都覺得自己好癲呢~
就係SUPER JUNIOR的SUPER SHOW4!!!!
呢一次又係通宵機去~所以星期五一放工就啦啦聲返屋企準備出發去機場
因為之前放左個大假，公司勁多野要清~做到個人都殘晒..
話咁快又到左韓國~攪掂晒所有野就搭地鐵出發去新村啦~
一出地鐵站~嘩..個人立即醒晒..一來係我又黎到新村啦~二來係真係超級凍呢~
我地都只係相隔左個幾星期姐~個溫度點解可以相差咁遠架~!!唉..今次我真係失策啦..帶唔夠衫...><
今次唔好彩冇得提早入房，只好12:00時返黎CHECK-IN..
第一步我地去明洞唱錢先...個人冇錢係身真係唔得架..
去到明洞..冷清清..完全同下午/夜晚的明洞好唔同..
唱完錢真係要搵野食..暖下胃呀嘛...見到有間唔記得係叫咩天國架店都幾多人就入去食(唔係飯卷天國黎架)
2個人晨早流流竟然係可以食到咁多野架..講真佢個紫菜卷真係一般..
食完野時間尚早，見到Forever 21已經開左，入去打返個圈先~
行到差唔多12點..就搭返車返去拎房..
滿心歡喜咁諗住有房拎啦...點知...佢竟然話要4點鐘先有..
果一下真係火都黎嘛，又話12點有，到12點又話要4點先有..一陣4點佢會唔會又話冇房架..
最後佢MAKE SURE 4點鐘一定會俾到房我地..
咁我地只好係新村閒逛4小時啦..最彩新村多鋪頭咋..如果唔係都唔知點算..
行左2個幾鐘，終於頂唔住真係要搵個Coffee Shop休息下..
去左Angel-in-us-coffee，黎過幾次韓國都冇試過呢間..
叫左杯凍朱古力，凍焦糖瑪奇朵加個厚吐司就係我地架LUNCH啦..
個傳呼機係有得睇廣告..宋鐘基代言?!
個吐司真係好好吃..不過個朱古力係有椰絲味...真係有D頂唔住..
食完野上下網休息下都4點啦，返酒店CHECKIN先..
YEAH!!終於可以上房啦~放低行李，梳洗一下就又出去
係新村行下，瘋狂購買完就去食個晚餐 -- 炒雞(實在太鍾意食啦)
叫左一個SET，超豐富呢~
除左雞仲有年糕..
仲有飯同麵添..
吃到一半就會有人幫你落麵，之後就會再落飯
個買相唔係咁好睇，但真係好好食~!
食飽次後又行多一陣消化下就返酒店啦~成三十幾個鐘冇訓啦~真係好佩服自己
所以一上到床唔使2秒就已經訓到死豬!!
待續
沒有留言:
發佈留言