【旅遊。韓國漫遊．Cafe 特集。2】

HI~
見到呢個背影估唔估到今次大KA要介紹俾大家架CAFE係邊間呢?
相信好多人都已經知啦~無錯就係MISS LEE啦!

我地去架時候仲係冇咩人識而且間店基本上都係韓國人多~
但經韓國綜藝節目"我們結婚了-- 紅薯夫婦(용서부부)"的拍攝後，瞬間爆紅!!
多左好多追星一族去幫襯，不過大部份人都係去惠化站果間，而我要介紹果間係位於仁寺洞的..
舖頭係位於2樓..一行上黎去到一半就會見到MISS LEE坐係度
MISS LEE 旁邊就係洗手間，但呢個洗手間係男女共用，點解我會知因為.....
話說大KA同Mia食完野諗住去廁所啦，咁見到廁所好自然就入去，但點知見到個靚仔店員係度..果一刻立即諗唔通我地入錯廁所咁樣衰..
點知..個男店員同我講呢個係男女共用架你冇去錯到，果一刻真係..點解會係男女共用架!!!!咁都冇辦法啦都要去架...去完出黎個男店員仲係度..
大家仲要互望左一下，如果果個MOMENT唔係廁所會好好多囉..但一諗起...噢!!超尷尬呀!!!

上到2樓見到呢個少少架門就係啦~

入面可能擺太多野..個感覺有D窄..
中間有個架係俾人掛紙條，而且仲有明信片俾人拎黎寫


張片都幾好呀..簡簡單單

成個窗邊都掛滿晒紙條..就算唔識睇都要八下..

大KA我好鍾意佢本Menu同埋張枱...好懷舊架感覺!

成本都好Colourful..而且仲有中英文添..完全方便我呢D外國人睇~

韓國傳統便當..一定要叫一個黎食..

同幅相係一樣..有泡菜，荷包蛋同幾片腸仔..
大家記住要搖混先食呀，不過就唔好好似Mia咁垂直黎搖，佢會有汁流出黎架

Mia呢個係錯誤示範

登登登登..完成了!!嗯..味道呢...其實就冇話特別好味..但就係有一種懷舊既味道，大家不妨一試
點左個唔知咩養生茶(哈,..唔記得個名啦)

呢個係店舖推介，Mia話幾好味架~隨飲品附送小食

呢舊白色野我唔知佢叫咩..但又幾好食架喎..

係度食下飲下傾下計咁..如果日日都咁悠閒就好啦~最後送上呢3個可愛架小朋友俾你地~ 

哭同嬲果樣係特別唔好睇架~所以我地就要笑多D人都靚D~!!


待續