首先去南浦洞既Coffine嘆番個好正既早餐先，奢侈既早餐平均番每人都成HKD$80，
不過質素好有保証，
紅莓忌廉吐司同蘋果玉桂吐司都好好味，
個藍莓bagel加埋個醬真係好味到無朋友，
Mia點左杯焦糖馬琪朵真係無得挑剔!
Coffine既環境都幾好，
因為好早所以成層二樓都無其他人，Mia等包晒全層!
估唔到係二樓望番落樓下又幾開揚，
早上南浦洞既人流真係唔多，
坐係outdoor望住條街同朋友傾下計就過左一日真係好爽呀!
可惜既係Mia等無甘既時間呀!
影完相食飽飽就要去下一站!
見到呢個電梯入口，
就知道Mia等既下一站就係龍頭山公園，
上次同大Ka都有上過去睇紅葉，
今次黎睇櫻花!
一望埋去真係睇唔到邊度有櫻花，Mia等反而比韓國傳統遊戲吸引住，
玩左一陣，不過個個都拋唔入個樽內!Mia等望來望去都見唔到邊度有櫻花樹，
淨係見到對韓國情侶拎住一個個櫻花球影相，
終於忍唔住問對韓國情侶借個櫻花球黎影相，
一問之下原來櫻花係下一層先有，
係觀景台望番落去先至睇到係邊度!
不過明顥係疏落好多!都係南川洞既櫻花靚好多!
要去今日既主要景點---甘川洞文化村
Mia等好懶唔想坐巴士去所以坐的士去，
其實四個人坐的士去甘川洞仲好過先坐車去土城站再轉巴士，Mia等由南浦洞上車到甘川洞，
四個人都係3XXX won左右，
車程大約15-20分鐘，既慳時間又唔貴!
係甘川洞文化村入口有呢間食店，
有一個好大既地圖但唔多睇得明，
係呢個路口行入去就arm了!
又有一間畫屋生產中，
呢度最出名既就係間間屋都畫得好靚各有特色!
呢幾隻人人都識既人頭烏!近睇都有少少恐怖!
周圍都好有特色，
呢間就係遊客服務中心，
係呢度可以買番份地圖去印印仔，
儲齊晒d印仔就可以換到張明信片做紀念，
其實跟住個地圖去印印仔基本上都可以行晒景點，
出發前要睇一睇個地圖，
好了開始行了!係呢條樓梯行上去!
呢間甘花既屋就係咖啡店!
旁邊呢間黑屋就係第二個有印cup既地方，
Mia跟住就入左另一個遊客服務中心，
仲係"給我留言"上留左言比大Ka!
跟住行左上中心既天台，
佢呢度都算可以影晒甘川洞既全景，
但Mia覺得唔夠靚!
印完印仔又落番樓梯，
行番去原來第一個買地圖既遊客服務中心旁既小路，
Mia等行左一陣就覺得好餓，
入左一陣小食店，食下韓式小食，
店內都係畫晒畫裝飾，
Mia等覺成日睇韓片見到既長麵包條，
原來好好味!有肉桂糖!甜甜又好香肉桂味!
補充完體力又再出發了!
一路行都會見到好多呢類可愛既指示，
Mia好鍾意既大櫈，加左個頂之後就好似個涼亭甘，
Mia等開始失去左方向，
唯有憑感覺行了，
總算行到些必去既景點!
好似以下呢個三人人型牌!
完全估計唔到係甘川洞會見到甘多樓花，
Mia覺得係呢個位睇既甘川洞唔係太好，
因為中間有一大幢大廈影響晒景觀!
行到去BOOK CAFE又印多個印了，
仲可以免費飲番啖水!
後面好多人影相既地方就係下面見到既觀景台，
只要向下行多一層就知道原來係一個廁所，
不過呢個廁所好乾淨，
唔知係唔係太多遊客，無咩人去呢個廁所!
行過少少就係小王子與狐狸!
再行過少少就係呢一大幅畫，
好多人係度扮番鄉下向大家道別!
藝術家真係好識利用每一個位，
呢個轉角位就可以畫成一隻豺狼想捉隻鴨仔!
之後就一直行番落山，
唔覺唔覺印仔都印到七七八八，
最後就要去呢幢大廈印埋最後一印就可以換明信片!
好唔容易上上菬落終於齊晒印仔了!
仲換埋明信片!
其實呢間遊客服務中心既前身就係澡堂，
所以有好多澡堂既野，
一個訓左既收銀阿殊媽，
一個沖涼中既大叔!
個locker都畫到好花碌碌!
呢個肥仔頭係影比大Ka睇嫁!
走既時候見到隻狗仔好可愛，
因為佢隻眼好韓國STYLE，好細呀!
之後又番左南浦洞!
周圍都有得買又平又甜既士多啤梨!Mia等今次行左去biff廣場果邊，
好多人好熱鬧呀!
Mia等除左個奢侈早餐外就無食過其他野，
決定掃街!食呀!食呀!Mia等食左甘多樣野，
覺得呢個堅果黑糖餅餅真係好好好好味!
排隊既人龍無斷過，只有越來越多人!
佢裡面有好多種野，Mia只食得出花生同松子!
黑糖甜味剛剛好!
大家一定要試!!!!!!!!!!!
Mia又係甘見到宋仲基!
又見行得累累地，行左入去tous les jours坐下同食番支雪條先，
係甘凍既天氣食凍野永遠都係一大享受，
因為天氣凍唔怕d雪條熔，可以慢慢嘆下支雪條咩味!
Mia等又係時間血併南浦洞，
又係innisfree大出血了!
女人就係甘恐怖，買野可以買到唔知肚餓，
又因為買到成手都係戰利品，
最後決定番酒店先，再到酒店附近既食店食野，
其實酒店附近無咩好食，最後入左間韓式居酒屋!
大部份都係下酒菜!
千萬都估唔到有蟲蛹食!Mia都未食過，加上唔怕蟲，梗係要試一試!
不過唔覺得特別好食同唔好食!
Mia等返到酒店都係要食今日係街買番黎既士多啤梨，
甘大盤又大粒都係10000 won，真係好甜!
當晚已經係零晨3點了，
明天要好早起5:30，又係訓2-3個鐘一日，人都癩了!仲唔訓!Mia要3秒訓著!
第三天行程待續......
沒有留言:
發佈留言