大Ka同Mia是日要搬去民宿住了，
真係好勞師動眾，執好晒野就放個行李係counter，
出去食番早飯先，
大Ka同Mia真係食左好多餐飯了，
平時一個星期都未有食甘多餐飯!
大Ka同Mia之前都講過天神橋真係好多平野食，就好似呢間好似吉野家既連鎖牛丼飯店，
真係又平又好食，
大Ka同Mia一致超讚呢間店提供既麥茶，早餐食咩飯好呢?
Mia又點左三文魚餐，
日日都吸收好多DHA，
由於未食過納豆係咩味所以要試下，
仲有一電應該黎白蘿蔔蓉同魚乾仔既野，
兩款都係要撈撈下先食得，
納豆既味唔係人人都接受到，
但又未至終食唔落口，
都可以叫做可以一試，
而碗蘿蔔蓉就怪怪地!
大Ka就點左五花肉冬菇!!
大Ka話好好味!
大Ka同Mia食左早飯後就行左去附近既大阪天滿宮行下，
由於11月係753節，
所有神社都有好多家長帶小朋友出黎祈福，
個個小朋友都著得好靚!
點解香港唔興嫁?
行左一個圈就返酒店拎行李向民宿出發，
民宿係東三國站，
係一個真正日本人既住宅區，
沿路感覺好似去緊大雄堅企甘，
大Ka同Mia住既就係大阪中野屋，
之前係網上面有好多人評價都一般，
但住過之後都覺得唔錯，
大Ka同Mia住係地下果層係兩間房share 洗手間，
不過隔離房無人住，所以洗手間都係得大Ka同Mia用，
正呀!!!!!!
呢個小房就係放行李同雜物，
大Ka同Mia一到步，
負責人就向大Ka同Mia講清楚附近有咩地方食野買野，
去機場交通等等!----都幾有交帶!
中野屋既wifi超級好又快，從未斷過，
雪柜微波爐全部都可以用，
雖然睇落設施唔多新，
但全部野都好乾淨!!
不過垃圾就要自律地自己掉出門口既收集箱!
大Ka同Mia終於安頓好晒，
就出發去大阪既地標大阪城公園，
佢有一個好強既wifi for導覽，
但大Ka同Mia唔多識用，
秋意好濃呀!
大Ka同Mia上到天守閣，
睇出去又黃又紅又綠好靚呀!
因為天守閣有些樓層係無升降機，
大Ka同Mia係要行樓梯上上落落!
行到落去有升降機既樓層就有好多介紹日本之前歷史，
行番出天守閣行來行去要找一個位影到成座大阪城，
終於大Ka同Mia找到，
大Ka同Mia少有既合照!
日落時天氣又開始轉凍，
其實大Ka同Mia都失晒預算，
完全估唔到日本甘凍，
將所有原本帶去韓國既衫拎晒出黎著!
大Ka同Mia又返左去大阪心齋橋筋，
今晚終於無落雨了!
大Ka同Mia終於一試好出名既章魚燒，
大Ka同Mia點左個店長xxxx，
即一半有醬一半係用盬，
Mia覺得盬好味d!
之後就係g.u.行左好耐(香港無分店)，
直到人地關門為止，
見時間都唔早了，所以就番東三國附近食----吉野家24小時，
原本係無咩期望，
點知原來日本吉野家既質素甘好，
香港分店質素爭好遠，
日本人真係好有口福!
食飽就返去訓了!
而家點想起都覺得好好味!
日本同韓國遊記會陸續登出，
請繼續支持大Ka同Mia!!byebyebye~~
沒有留言:
發佈留言