首先要借少少位話下yahoo bolg先，
原本Mia幾日前就打好左呢篇，但唔知點解一post出黎就無晒d字，又要由頭再打過
終於捱過左holiday mood超強的最後工作天，
Mia期待己久既日本韓國之旅終於要出發了，
用未入閘先發癩黎形容大Ka同Mia就最適合不過，
零晨機場無咩人真係可以大影特影，
今次大Ka同Mia既行程路線如下:
因為機票限制既原因，一定要係韓國轉機到日本，
首先由香港出發到韓國釜山金海機場再由釜山轉機到大阪關西機場，
八天後再由大阪關西機場飛到韓國首爾(玩足四天)，就回港繼續返工。
其實甘樣轉一轉機都唔會浪費左好多時間，因為去釜山既飛機都係零晨機出發，
中午11點幾左右就到左關西機場，同一般坐早機飛到大阪既飛機時間差唔多。
出發時Mia行李重--15.6kg，大Ka行李重--13.4kg，
最後一篇就會知道佢地最後幾重，哈哈!
可能因為好少人轉機而且好早個轉機位都未開，
第一次要係另一個地方轉轉機，Mia重以為好煩覆，
點知就係甘望下個passport，過下個機就完成了!
甘還橫豎無野做，行下個金海機場，
呢個就係釜山既金海機場，真係第一次黎，
同傳聞中既一模一樣細細細，同仁川機場個size差好遠，
甘不過細有細好，一眼睇晒出入境櫃位、免稅店、退稅counter，
退稅counter甘易找到幾好呀，唔洗成日要行好遠找gate 28 退稅!
不過今次無緣使用了，下次再會!
呢個就係一陣大Ka同Mia上機既閘口，
坐完零晨機後又已經肚空空，
有7-11太好了，提早嚐到韓國既味道，
登登登!!!!!香蕉牛奶同紫菜卷，太幸福了~
super junior係樂天免稅店既代言人，
終於見到佢地既貨車仔了，
二樓有電腦上網免費使用，
當免稅店開晒就入去睇下，唔行都無事，
一行就大Ka同Mia一人一個MCM銀包，
財散人安落之後就差唔多上機了，
好懷舊呀，要坐巴士出去先上到機，
之前次次都係食晚餐，第一次食早餐，
KE早餐係綠色既三文治(唔知係咩味但都唔錯)，
最後就係填入境紙，大阪大Ka同Mia好快就到了!
日本同韓國遊記會陸續登出，
請繼續支持大Ka同Mia!!byebyebye~~
沒有留言:
發佈留言