今次係Mia同屋企人去左澳門辦事，
順便行下食行野，因完全無做過任何功課，無計劃地行到邊食到邊，
原來同家人一齊去玩好大壓力，咩都預左你會知係邊，總之旨意晒你la!
平時同大ka去玩都係一人負責一半既野(輕鬆好多
)，但如果唔係呢之機會都唔記得原來好耐無一家人出門，
今次坐番TURBOJET，終於唔洗係氹仔碼頭行餐死先過到關同坐車，
之前坐金光係氹仔碼頭果段路真係好長要行好耐，
成日都係日間影大三巴同新馬路，今次要試下夜晚影效果好唔同呀!
夜晚真係少人好多，影相都少好多人，太好了~~
今次介紹既係 (Mia最喜歡幫襯呢d小店，全香港既商場都已經被連鎖店佔領了)---
牛記咖喱美食 (原來米芝蓮推介餐廳之一，其實Mia都唔知，只係店內貼到周圍都係先知)
Ngao Keo Ka Lei Chon
新馬路十月初五街1號地下
2895 6129
不過第一餐係食早餐，Mia真係覺得好抵，A餐又粥又麵仲有野飲都係$22!
腩汁撈粗麵
麵質夠彈牙，雖然無餸但加左腩汁都好好味~
再加牛什粥，牛什同粥底真係用心既製作，
牛什好入味而粥底好綿!
Mia碗牛什粥已經最後一碗，真係行慢一步都無得食!
唔知係唔係澳門間間食店都有豬扒包，
連早餐都會食豬扒包，
硬既豬仔飽加埋一塊唔韌好入味既豬扒，好味!
仲有好得意既係全店飲品都係無甜味，
係等野飲到既時候自己加糖水!
餐飲汽水原來係飲寶礦力，
澳門餐廳真係與別不同，
原本去到氹仔官也街既晃記買肉切酥，
成條街得晃記有人排隊，仲要排左三份之一條街，
點知被人買晒要等成兩個鐘先至再有，梗係無等lu!
呢幾幢樓特別之處係得番個框框，
望到都覺得超級危險!!!!!夜晚天黑睇唔到仲係下面行左幾次，
天光時先知道，不過顏色好吸引人望，唔知當年完整同新既時候係咩樣既呢?
登登登!重點重點又係牛記，
今次係午餐時間，終於可以食到全店最出名既蟹皇撈麵，
好大匙既蟹皇，有時一隻蟹都無甘多蟹膏!
蟹皇好香，幼麵質都好夠彈牙!
不過就真係多油左少少!食完碟麵之後d油多到!
微霧風扇真係涼好多，不過整到副眼鏡濕晒!
十月初五街真係好多野食~下次要再試多幾間唔同左食店!
請繼續支持大Ka同Mia~
沒有留言:
發佈留言