【旅遊。韓國自由行D9 --昌慶宮、宗廟一天遊】

 

是日大Ka同Mia訓到超晏先起身(可能尋晚飲得多左啦)，好左今日行程係十分悠閒
但悠閒還悠閒，但都要把握時間，因為11月架太陽係好早落山架~
我地早餐都布食就出發去昌慶宮啦~
唔知大家仲記唔記得，我地之前去昌德宮架時候都有講過下架~
佢就係昌德宮入面架，係秘苑旁就有得入架~
但上次因為行完個昌德宮都晏啦，所以就冇去到，今日就再黎過
係惠化站4號出口出，行十幾分鐘就到，但對比下係昌德宮入真係超方便~
昌慶宮是成宗(朝鮮第九代王)為了侍奉先王的夫人們所建造的宮殿，對比其他宮殿較為雅緻與簡樸。
佢係可自由參觀或者有中文導覽(時間 13:00/15:00) 的，可自行選擇
雖然係細少少，行個幾鐘度就行完架啦，相對我地10年黎果時，今次就遜色左少少啦，但都幾靚^^


裡面仲有個溫室，但我地就冇去行啦，一來對植物唔係太大興趣，二來我地又趕住要去第2度 -- 宗廟
昌慶宮同宗廟的位置是好近的，係前門沿住石牆方向行，途徑廣藏市場，行多一陣就會到架啦

行去架時候我地太肚餓啦~係街邊車仔檔食下野先~堂食真係好唔同~變得道地晒

宗廟是供奉朝鮮歷代王和王后的神位與舉行祭祀的祠堂，而宗廟看起來像一個公園，裡面一樣亦係很多樹的。
 除了星期六，平常都要配合導覽時間才能入內參觀，今次我地仍然係跟英文團

 

宗廟係我地第一次去架地方，雖然小小的，又同其他宮好唔同(因為冇左好多大殿)
但環境真係好舒服，又唔逼，真係有時間可以黎行下下一站我地出發去明洞，冇錢啦要去唱錢
順便去埋韓國觀光公社度寄個明信片(免費的)
仲有當然係敗家啦..敗左一陣就返新村啦

係明洞地鐵站買架小食..奶媽夾餅仔，外型係粟米好可愛架
因為太肚餓了，唔使5分鐘就KO左~
返到新村返番酒店放低野又休息一陣就落街食晚餐
今餐仍然係食烤肉..
烤豬皮..真係烤上癮...

普通豬肉..個樣幾靚呀

仲加點左個冷麵，呢餐真係食得多野~

睇下我個樣累到眼都變成一條線，食完就嗱嗱聲返酒店訓，聽日又要早起去內藏山了

待續