因為平時大Ka．Mia都唔會花太多錢去住靚酒店，
難得今次住靚酒店，所以花多少少篇幅介紹下間酒店，
大Ka．Mia就係比上邊個張海上棕櫚樹吸引左，
好有渡假既感覺!
決定微奢侈去拋開都市既繁囂!
經過45分鐘車程，大Ka．Mia就到左雪邦黃金海岸度假村
個大堂都幾有氣勢!
除左房間內同餐廳基本上周圍都係無冷氣，
但甘先有渡假既感覺!
超快就完成左check in手續，拎左張房卡，
打開個封套就係酒店既地圖，
圓形既就係明早食自助早餐既地方!
大Ka．Mia同行李就一齊上左架高爾夫球去今晚入住果間屋，
個司機兼酒店服務員仲幫手拎行李上二樓既房內，
由上的士到入房全程都有人幫手拎行李，
都唔記得幾耐無試過了lu!
大Ka．Mia一打開門入到房，
嘩!好大間房呀!有蚊帳既床好正呀!
吊扇再加埋個茅草屋頂超有渡假feel，
一開門就係梳化，
另一邊係電視、書檯，
不過浴室係無浴缸得淋浴，
雖然無浴缸但沖涼時可以對住個180度全海景，
但露台係可以望到入浴室，
所以沖涼時自己留意了!(可以落簾)
一推開個窗就係大露台，仲有一套屋外檯椅，
個大露台就係對住呢個無盡頭既海，
不過剛好潮退所以只見到一片泥灘!
大Ka示範下係露台望下一望無際既大海再呼吸下新鮮既空氣!
拋走左唔少都市既繁囂!
酒店都有不少活動自費或免費比住客參加，
不過因為大Ka．Mia間房個冷氣壞左，
要留係房內等維修師傅黎修理，
等到Mia都訓左幾覺都係整唔好，
點整都係唔得，
只得番一部冷氣可以運作，
不過房大加樓底高得一部冷氣唔多夠涼囉!
總之就唔覺唔覺已經到黃昏，
完全無玩過所有水上活動(好在大Ka．Mia都唔好水上活動)
全酒店唯一一個而且超細既無邊際泳池，
位置就係餐廳旁邊，
黃昏前多人到插針都唔入，差唔多天黑先至散甘d人，
獨立屋真係好吸引呀!如何有機會要住下!
大Ka．Mia最後選左係酒店門既餐廳醫肚，
間餐廳係有埋bar，
大Ka．Mia對cocktail都唔熟，
問個waiter 咩最多人點，
佢就介紹左呢杯好易入口既lime mojito，
酒味唔濃又酸酸地，總之就好味!
其實大Ka．Mia都唔知自己叫左咩食，
只係記得叫左一個飯一麵就算，
個飯味道已經好唔錯，但個炒麵真係好好味!
大Ka．Mia都好滿意呢餐!
因為唔貴又好好食，埋單約hkd200左右，
補番張酒店既正門!中午都無時間影!
食飽飽之後就慢步返房，路上抬頭一睇，
超大意外既收穫，天上面好多星星!
係光污染好嚴重既香港生活左甘耐，
已經唔記得幾耐無見過天上既星星，
而家只要抬頭就見到甘多星星好感恩!
不過因技術同設備有限，影來影去都係得甘既效果，
相中好多細粒既藍蓋白白既點點就係星星!
但個月亮一出黎d星星就唔見晒了!
大Ka．Mia第一日既行程就完左!
待續......
沒有留言:
發佈留言