今次Mia同朋友去左釜山賞櫻花，因為假期既問題大Ka無同Mia一齊去，

Mia既御用攝影師無同行，今次既旅行相點都係覺得爭少少!

雖然呢個blog係大Ka同Mia既合寫blog，但韓國既野實在太吸引了，

一定要同大家分享Mia既旅程!

事因團友們都見復活節有幾日連假，

非常身痕突然想去旅行，所以極快甘訂好酒店機票等等，

行程由Mia負責，團友就準備錢同埋鐵腿準備血併同行景點，

天氣同開花情況就交左比個天話事!

今次旅程最主要既目的係睇櫻花，所以就去全韓國睇櫻花最出名既釜山，

不過櫻花呢d野其實遇計唔到真正幾時開，仲有花期好短，
Mia以挽博一博既心態去準備行程，

另一方面又每日都留意住當地天氣報告同韓國觀光公社既消息，

開花情況參考網頁

Mia睇住幅圖由白色(未有花蕾)，

到有藍色(有花蕾)，再到粉紅色(開滿花)，心情越來越高興，

因為今年天氣早暖櫻花開早左兩星期，

時間剛剛好，如果唔係就要下年請早!

Mia最煩惱既執行李，溫差好大，

唯有洋蔥式穿衣!大外套加薄衫，

唔知大家記唔記得由復活節前幾天開始就一直落雨，Mia係出發果晚就好大雨，未出發先變落湯雞，

終於去到機場，嘩!!未見過12點都甘多人係機場，

記得上次同一個時間機場都係得小貓三四隻!

因為大雨好多航班都delay晒!

要搞到03:20先可以上機，

唯有係機場訓番覺先!

Mia一行人終於到左釜山金海機場，要落機了!

又係好可愛甘坐接駁巴士去機場入境大樓，

一落機就知道凍了，即刻加番條頸巾，

上次大Ka同Mia只係過門而不入，今次要入境了!

因為金海機場比仁川機場細好多，

唔洗5分鐘就過晒關出到入境大堂，

一出機場門口就已經有大批的士司機向你招手，

Mia等決定坐的士去酒店放下行李，

其實車費都好平won 14000左右就到左酒店門口，

係的士上已經睇到沿途有好多開滿花既櫻花樹了!

30分鐘左右就到左酒店了!所以比多少少錢就好舒服甘到酒店!

安頓好晒行李後就出發去賞櫻了，

原本準備好既T-money用唔到，

因為錯過左機場可以增值T-money既增值機，

去到一般地鐵既增值機已經增值唔到，

又唔想周圍找增值既地方，

就決定買地鐵一天乘車券，won 4000，

原本單程車費won 1200，即坐四程就回番本了!

但呢買票機好蠢只收銀仔同1000won紙幣，

就要先用紫色部機唱晒做1000won紙幣先可以買到票，

賞櫻第一站-----南川洞櫻花街남천동벚꽃길釜山地鐵2號線金蓮山站3號或5號出口，步行10分鐘到廣安里海水浴場，

右轉行到末端南川海邊公園남천해변공원，左轉入Samick Beach Town 삼익비치타운，

櫻花路由201與301之間的道路開始，至208的十字路口。

出左金蓮山站5號出口，

向呢邊方向行，

右轉入呢個路口，

會見到一間LOTTERIA，再一直向前行就會見到廣安里海水浴場!

但仲未見到櫻花街，跟住就就向住宅果邊行過去，

終於見到櫻花蹤影了!

再行近D，團友們不斷發出嘩嘩聲!

櫻花開得又多又密!!

風一吹就會見到櫻花雨，真係好靚，不過相機影唔到出黎!

唯有影番地下既櫻花花瓣，

韓國櫻花偏白色!

行到餓餓地，有架賣燒餅既車，

梗係要食番個餅頂一頂肚餓先了!

呢個燒餅同平時食開油淋淋既燒餅好唔同，

佢係乾身同埋脆既，餡就係黑糖!

唔會太甜幾好味!有機會一定要試下!

行左一陣Mia終於發覺行緊既櫻花路同網友介紹既有少少唔同，

原來再向海邊行既住宅區先至係真真正正既南川洞櫻花街，

櫻花樹分怖更加密，形成左一條櫻花隧道，超級靚!

不過影相時要小心d因為呢條係好多車行既馬路!

之後就去南浦洞唱won用了，頭先一直都係用上次用剩既won，

可以講大家都身無分文，淨係夠食小食同車費，

因為南浦洞既兌換率比機場好，所以留番一次過係南浦洞才兌換，

29/3參考價:

機場----138

南浦洞兌換#店----141，

不過無影到兌換店既名，

位置大概係國際市場附近既小巷內，

因為朋友們都係第一次去韓國，

所以Mia帶朋友們去食之前同大Ka食過既韓定食店，

Mia覺得店內環境同阿珠媽好有親切感，

原來係有menu，上次黎既時都無見過，
不過都無加過價仍然係won 10,000 一位，

原來四個人既餸同兩個人份量係一樣，

甘兩個人食係最抵食，

白肉都係好似烤肉甘包黎食，

Mia今次先知紫菜係包飯再沾醬食嫁，

登登登!!!!Mia最期待既醬蟹，

即係食生蟹!!!!!!!!!好好味呀!!!!!!!!!!!!!!!

Mia等食飽飽後就去左網友介紹既南浦洞樂天百貨既天台花園及觀景台，

有兒童樂園!不過甘凍有咩好玩!

呢個天台超凍又好大風，

觀景台可以望到龍頭山公園南浦洞既風景，

另一邊就釜山港既風景，第一次見幾有新鮮感!

Mia最喜歡去超市買野食做手信同旅程中食，

今次去釜岩站既樂天超市，

原因係因為好近Mia既酒店，只有兩個地鐵站既距離，

釜岩站4號出口，

就一路向前行，就會見到好大個Pororo係外牆迎接你，

係釜山除左櫻花外見得最多就係宋仲基，

송중기오빠~

真係太幸福了!

大家都拎埋好多戰利品，最後就係番酒店check in了!

今次下榻既酒店係ibis busan ambassador city center，

係釜田站即同西面只有一個站既距離，Shopping好方便，

要係17樓辨check in手續，

同埋要碌卡won 60,000做保証金，

當check out時就會比番張cancel收據比住客，